وقعة الضال ( الدوادمي ) - 1292 هج

[صقر النواصر]

وأنا متلهف للإطلاع على هذه الممنوعات والمحجوبات فهلاّ تكرمتم بذلك ... حتى ولو كان برسالة خاصة ... وشكراً مرة أخرى..

[عبادي المقاطي]

كلها صارت بالرسايل الخااصه

اخواني الواحد يقول اللي له واللي عليه

انا اشره عليكم في شغله الرسايل الخااصه

خلوهاا بساطه احمدي والعتيبي وسيع بطينه

ماهمه احد

لكن ذا الكلام ماينفع



طيب عندي سوال هل المقطه شااركوا في الحرمليه ومن شيخهم فالمعركه

اما بالنسبه للمعركه ضاال مهما ذكروا الشيخ محمد بن هندي فشيخنا في معركه ضال هو الشيخ عقاب بن شبنان

لانه هو شيخ القبيله في ذاك الوقت

والله اعلم

[صقر النواصر]

هههههههه ياعبادي ..... والله أنا ودي كل الأخوان يعرفون ماذا حدث ... وأتمنى من كل قلبي أن يرفع الحجاب نهائياً عن وجه الحقيقة حتى نطلع على ملامحها وتفاصيلها......لكني أظن بأن الأخوان يتكتمون على هذه المعلومات حفظاً لحقوقهم ..... وحتى لايتم إختلاسها وتجير بإسم مؤلف آخر .......

[فارس القرنه]

مشششششششششششككككككككووووووورررررررررررر

[مطلق الهراني]

يعطيك العافية ياعين العقل

[عبدالله غازي المغيري]

بيض الله وجهك يالذيب

مشكور ومااقصرت

[مالك النفيعي]

شـــُكـرا يالغالي

[ولد الدغالبه]

معركة الضال ( الدوادمي ) عام 1292

هذه الوقعة حصلت في تاريخ 1292هـ , في الدوادمي بين الامام عبدالرحمن وجنودة وعتيبة , واليكم ماورد في المصدر:

خرج الامام عبدالرحمن بن فيصل من الرياض ومعة جنود كثيرة من أهل الرياض والخرج والجنوب والعجمان والدراويش ومطير وسبيع واولاد اخية سعود بن فيصل , فصادفة اخوة محمد بن فيصل ومن معة في ثرمداء , وحصل بينهم وبين اهل ثرمداء قتال شديد وحصل بينهم صلح مع اهل ثرمداء.......



وبعد ان إنتهوا من امر ثرمداء:

أقام الامام عبدالرحمن على ثرمداء ايام , ثم سار بمن معة من الجنود من أهل الرياض والخرج والجنوب والعجمان والدراويش ومطير وسبيع واولاد اخية سعود بن فيصل وتوجهو إلى بلد الدوادمي , فلما وصلو إلية واذا , محمد بن هندي , وهذال بن فهيد الشيباني , ومصلط بن ربيعان ومن معهم من قبائل عتيبة , قد اقبلو يريدون النزول على بلد الدوادمي , فوقع بين الفريقين قتال شديد وصارت الغلبة لعتيبة





المصدر: عقد الدرر فيما وقع في نجد من الحوادث في أخر القرن الثالث عشر واول الرابع عشر , تأليف الشيخ إبراهيم بن صالح بن عيسى النجدي الحنبلي , صفحة 94


وقال محمد العلي العبيد في مخطوطته , النجم اللامع للنواد جامع , في حوادث سنة 1292 هـ .

أغار الأما عبدالرحمن على عتيبة سنة 1292 هــ
يقول العبيد " عدا الأمام عبدالرحمن بن فيصل على عتيبة وهم على الدوادمي ورؤسائهم
مسلط بن ربيعان ومحمد بن هندي بن حميد وهذال الشيباني ، فصبحهم الامام بمن معة
من الجنود ، فاقتتلوا قتلاً شديدا ، وقتل من الفريقين عدة رجال ، وكانت الغلبة لعتيبة
على الأمام عبدالرحمن ومن معة "


وهناك اكثر من مصدر ذكر هذه الوقعة مثل:

كتاب العجمان وزعيمهم راكان بن حثلين ًص 77_78
الفه الظاهري
واعتمد الظاهري على مصدرين
تذكرة اولى النهى 1/125
تحفة المستفيد 1/175-





ومن القصائد في هذه المعركة


1- قصيدة مخلد القثامي الشهيرة , في حضرة ابن رشيد , يمتدح قبيلة عتيبة , ومنها:


والفصل جا فاربع سنين مسماه=من عقبها سموى القبايل طنيني
منها النهار اللي على الضال واقصاه= من عجه الضلعان عيت تبيني

2- قصيدة مخلد القثامي في مدح الشيخ هذال بن فهيد , ومنها:




يانجد لاترهب من الحرب لو طال
وترا شراع الحرب ما ساع قامي
ابشر بجيش وخيل وسلاح ورجال
صفرا وجمرا مثل لون التهامـي
ياما قطعنا فيك مـن راس خيـال
لاثـار عـج مغبـرات العسامـي
باكر اليا علك من المـزن هطـال
شفت الزهر كاس خشوم العدامـي
اما تحدرنا من العـرض وشمـال
والا علينـا للطـلايـع مـلامـي
مثل النهار اللي على هضبة الضال
فيها الدويش وفيه ولـد الامامـي
ولدوا على خشم القهب سيلها مال
تاخذ عمـار مجربيـن الاسامـي


3- قصيدة سهاج بن غلاب بن ربيعان , ومنها:



وتذكر يامطيري وش جرالك في شعيب الضال
حريمك عندنا فالقيظ وانتـه رحـت ختالـي
وعلى دلعا تليم لي هل الشرق وهل الشمـال
وطردنا مسرح امه لين عقب روس الاقذالي
بعمود الحرب ريض يامطيري والليالي طوال
لك الله ماتريح مـن محمـد هـو وهذالـي



4- قصيدة سهاج بن غلاب بن ربيعان , والتي يقول فيها:




عانبك ياولـد الامـام بفعلنـا
خليتم المدفع مـع الصيوانـي
وعقاب قال الراي كله عنـدي
وعيت عتيبه في النهار الثاني
وابو منيف اللي عديـم رايـه
يقراء الكتاب ويقرع البيشاني
وجت الحريقه عند عطفة برقاء
ثم احتموها عسكر السلطانـي
يروسهم محسن على مذعوره
مجناه من صاهد ليا عيرانـي
وجفين ضف الخيل لين اطاعت
ومتيه العشواء بعـد خونانـي
وابا الجـلاداء يوجانـا فـازع
اشبع طيور الجـو والعوانـي
وابن منيخر معطـي الحيسيـه
خوفٍ على شرايـد العجمانـي

[ابو يزيد الحافي]

الاخ عين العقل قصيده سهاج بن ربيعان الذي بن ربيعان الذي ذكرت هي في كون عرجا او الحرمليه وهو على عتيبه ضد مطير وحرب وقحطان ثم انضمت الروقه بقياده تركي ابن ربيعان وامراء الروقه الحاضرين للكون الضيط وبن محيا وبن طويق وغيرهم وقصيده سهاج في الضال هي

ترا الحريقه عند جمع الهيضل=الاد مفلح عسكر السلطاني

[عـقـــــــــــاب]

المشاركة الأصلية كتبت بواسطة ولد الدغالبه

3- قصيدة سهاج بن غلاب بن ربيعان , ومنها:



وتذكر يامطيري وش جرالك في شعيب الضال
حريمك عندنا فالقيظ وانتـه رحـت ختالـي
وعلى دلعا تليم لي هل الشرق وهل الشمـال
وطردنا 1(مسرح) امه لين عقب روس الاقذالي
بعمود الحرب ريض يامطيري والليالي طوال
لك الله ماتريح مـن محمـد هـو وهذالـي



4- قصيدة سهاج بن غلاب بن ربيعان , والتي يقول فيها:




عانبك ياولـد الامـام بفعلنـا
خليتم المدفع مـع الصيوانـي
2و(عقاب) قال الراي كله عنـدي
وعيت عتيبه في النهار الثاني
3(وابو منيف) اللي عديـم رايـه
يقراء الكتاب ويقرع البيشاني
وجت الحريقه عند عطفة برقاء
ثم احتموها عسكر 4(السلطانـي)
يروسهم 5(محسن) على مذعوره
(مجناه من صاهد ليا عيرانـي )
7و(جفين) ضف الخيل لين اطاعت
ومتيه العشواء بعـد 8(خونانـي)
و(ابا الجـلاداء) يوجانـا فـازع
اشبع طيور الجـو والعوانـي
وابن منيخر معطـي الحيسيـه
خوفٍ على شرايـد العجمانـي

ياليت يتم تعريف مابين الاقواس باساميهم

وشكراً


ولاهان عين العقل و الدغيلبي