ابن سرحان أقرب لاهنت

[فايز بن سرحان الثبيتي]

المشاركة الأصلية كتبت بواسطة ابن سرحان الثبيتي

مرحبا يامحمد المنصوري مليووووون

اسعدتنا بكلامك الله يسعدك

هلا يامرحبا بالدره اللي في يد الغواص =وهي اغلى من العمله والاسهم في محافظها
محمد يامحمد ما كسر ظهرك ركوب الشاص؟!= الي وجهة نظر واعلنتها لو كان ترفضها !!

تعديل بسيط في الرد الاول كلمة سقطت سهوا ً ليت احد المشرفين يعدلها

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[شـامان]

.
.

إبداع

لا هنتوا


متابعين .. واصلوووووووووووا

.
.
...

[حاكم الغنامي]

محمد المنصوري

سلام الله سلام يدفعه قدر وغـلا واخـلاص=ااقوله من ضميرٍ يفتـل الحجـه وينقضهـا
ابن سرحان مثل الكبتن مناحي يسوق الباص=وعينه مايشوف بها المطب مدري مغمضها

ابن سرحان الثبيتي

هلا يامرحبا بالدره اللي فـي يـد الغـواص=وهي اغلى من العمله والاسهم في محافظهـا
محمد يامحمد ما كسر ظهرك ركوب الشاص؟!=الي وجهة نظر واعلنتها لـو كـان ترفضهـا !!

محمد المنصوري

ثلاث مرار فجنوبك توقـع رميـة القنـاص=الاحظها وغيري ياابن عمي مـن يلاحظهـا
وجرتك الجديدة فالبهيته قصهـا القصـاص=وبعض الناس تشفيها وبعض الناس تمرضها

ابن سرحان الثبيتي

صحيح الذيب يومنه عدا يمكن رمي برصاص=ولكن الوكـاد انـه تعشـى مـن فرايضهـا
ولن دقيت زير الملعبـه سميتـك الرقـاص=وتلقى جرتي فالحمضه اليا ذقـت حامضهـا

محمد المنصوري

انا بكرة نويت اثني عن اللي في لزومه حاص=مدام الفزعه الموقف على الرجال يفرضهـا
تجي لك كامله وترد بالاربـاع والانصـاص=وانا احسبك تهوش بعزم والارنـب تربضهـا

ابن سرحان الثبيتي

تحرز من كوابيس المنام بسورة الاخلاص=ولكن البلا يا محمد ان ماكنـت حافظهـا
يدورن الليالي والحرار اللي ورا الاقفاص=تموت من القهر وانته تكثر في مواعضها

التوقيع

سبحــــان الله وبحمدهـ hakem81@live.com

[حاكم الغنامي]

صحت السنتكم

[قادح شرار]

محمد وعتاب شديد اللهجة ضد المجرم ابن سرحان ...

ولكن عدت سلامات ..

صحت ألسنكم ..

وتقبلوا مروري ..

[فايز بن سرحان الثبيتي]

الله يعطيكم العافيه

الجميع كل باسمه

واعذرونا عن القصور في الترحيب اثناء القاف لان الوقت كان متأخر والقاف سريع

الشكر لكل من مر وعلق واطلع


تحيتي لكم جميعا