اقتباس:
المشاركة الأصلية كتبت بواسطة حاكم الغنامي
رجعنا رجعنا
واكرر الترحيب بضيفنا المحترم والراقي والغالي عبدالله الزراقي
س / من هو الشاعر الذي تحب تلعب معه دائماا؟
س / وش سر الثنائيه بينكـ وبين مرجح الميزان يامجرمين هههه
س / انت من الشعار البارزين بالمنتدى والذي يحسب لهم حساب ولكن لماذا لم نراك على الساحه ؟؟
س / قصائد النظم ؟ وش نصيبك منها؟
تقبل تحياتي والله يحيكـ مرره اخرى ومنورنا يالغالي
|
الله يحيك شرفت ونورت بعودتك ياطويل العمر الله لايهينك يابعدي
س / من هو الشاعر الذي تحب تلعب معه دائماا؟
كثيرا جدا واغلبهم لعبي معاهم مجرد مجاراه واستفاده منهم .. منتدانا هذا المفروض يسوي رسوم على شعر المحاوره لان الشعراء الي فيه شعراء بمعنى الكلمه ويعتبر جامعه لطلاب الشعر ماارح احد يستفيد لين يمٌر على الترسانه النوويه الي هنا .. والاسماء لو بذكر اسماء راح اتعب القائمه طويله واخاف انسى شخص .. بس لايسمعنا ابو مرزوق يصدق وبكره نحصله حاط رسوم اشتراك ههههه
س / وش سر الثنائيه بينكـ وبين مرجح الميزان يامجرمين هههه
هههههه مرجح الميزان احب شعره واسلوبه وارتاح كثير للعب معاه وشاعر كبير وخطير وسريع بديهه اللعب معاه يحتاج لياقه . انا بيني وبين نفسي مسميه الداب الاسود كل ماشفت اسمه اقول الداب الاسود جاء هههه فعلا مثل الداب الاسود في المحاوره لاتحطه في جيبك وتآمنه .. طبعا حبيب وغالي مرجح ونمون عليه
س / انت من الشعار البارزين بالمنتدى والذي يحسب لهم حساب ولكن لماذا لم نراك على الساحه ؟؟
شاعر الميدان يحتاج مواصفات اضافيه اذا كان صاحب شاعريه قويه .. ولا تستغرب اذا شفت احد الشعراء الكبار والاساتذه الي معانا هنا في المنتدى يخفق في الميدان .. لان الميدان والملعبه تحتاج مواصفات اضافيه علشان تنجح فيها مثل الصوت والحضور والثقه وسرعة البديهه لان للميدان رهبه .. والي يلعب في البيت مو مثل الي يلعب في الملعبه
بالاضافه الي وجود شاعر كبير في قبيلتك والاضواء والانظار تلفت له هذا يزيد صعوبة الظهور وتحتاج مواصفات غير عاديه للنجاح .. وانا شخصياا آخر
شعراء ذوي زراق وقدامي مئات هم اولى بالظهور
س / قصائد النظم ؟ وش نصيبك منها؟
عندي بعض قصائد النظم ولكنٌها قليله اكتب على حسب المزاج والفراغ
اسعدتني أسئلتك وتشرفت بعودتك مثل شرفي بحضورك الله لايهينك يامشرنا العزيز حاكم الغنامي
آخر تعديل عبدالله حبيٌب الزراقي يوم 19-Jan-2009 في 04:32 PM.
« آخـــر الـــمـــشـــاركــــات »
19-Jan-2009, 10:03 AM
العرض المتطور
