سعود العصيمي
ابو سلطان اله مدة سنه غايب عن الشعار = وانا مدري وش اسباب الغياب وطولت الغيبه.
ومادامه حضر فالمنتدى الليله بشب النار = وابا اسولف معه والا عليه احوّل مصيبه
معجب العتيبي
هلابك يالعصيمي لو سلامك من حروفك طار=ياليتك يالعصيمي شرع رب الناس باديبه
ليامنك نويت النيه الزينه فلا تحتار=تقدم العصيمي وابدع المعنى وترتيبه
سعود العصيمي
يزول الشك عن شقر الحرار اللي بعال الكار= واظنك يالعتيبي تعرف اصحيبك وتدريبه.
زمان العام مني ضقت واليومه خذيت الثأر= وانا مااعلم بشي صار لك والشاهد عتيبه.
معجب العتيبي
اعرف صحيبي الغالي وله حشمه وله مقدار=لكنّ اللي يغير سكته ياسعود ماليبه
انا ماودي اكشف ياعميلي باقي الاسرار=خويك يوم ينشد عنك يارجال من طيبه
سعود العصيمي
انا ماغير السكه والي منهج ولي اشعار = على سلم الرجال وصاحبٍ وافي مع صحيبه.
ولاني خابر مابينا سرٍ عن الانظار = تبا تخفيه يامعجب عن اصحابك وتقفيبه.
معجب العتيبي
انا ماذمكم ياصاحبي فالوقت مهما صار=مشاريه العتب تمضي مابين صحيب وصحيبه
مشاريهي على الاصحاب ما ابغاها تكون جهار=يابو طايل ولابيها تكون مع العرب غيبه
« آخـــر الـــمـــشـــاركــــات »
25-Dec-2008, 12:42 AM
العرض المتطور
