محاورة نارية بين ابن رشيد وابن سعود

[ابن رشيد الشمري]

السلام عليكم ورحمه الله وبركاته





قال الأمير محمد العبدالله الرشيد


ياراكب من فـوق سـت وثمانـي :::: بين الحجر ومحقيـه دوم يرعــــــن
بنـات حـر ضربوهـن اعمانـي ::::: وجن الابكار وكلبوهن علـي ســـــــن
وعصيان اهلهن كلهـن خيزرانـي :::: وكل الكلايف فوقهن مـا يخطـــــرن
تلفوا محمد شوق صافي الثمانـي :::: ابن سعود ويفعل الزين لـه فــــن
دنيـاك هـذي ماتجـي بالتمانـي ::::: كم خاب من له في رجاها بغي ظــن
بسلاحنا المصقـول والشيشخانـي :::وشين مانعرف اجناسهن توهن جن
لابـد مامـن ساعـه بامتحانـي ::::: خيولنـا تاتيـك عـرج باهلهــــــــن

.................................................. .................................................. .....

فرد عليه الأمير محمد بن سعود الفيصل


بديت ذكر الله علـي كـل شانـي :::: ومن وحد الواحد علي الرشد له فن
واخـلاف ذا راكبيـن السمـانـي :::: اكواعهن لا زاوروهن ما ينوشـن
قطم الفخـوذ مـوردات المثانـي :::: بتر الفخوذ اذيالهن مثلهـن هــن
يازين سوق اعصيهـن باليمانـي :::: من قصر جدي ياسعد وين يمسـن
باسفل شعيب سديرعند الشبانـي :::ان نوخوهن اقترن هـن واهلهـن
يلفن اخو نوره منجـي الحصانـي ::: ولا لفـنـه جعلـهـن مـايـــــــــــردن
لايحسبنـي عـن لقـاه متوانـي ::: ناصيه وابغا آتيـه لزمـا بلامــــــــــن
حتيـش يانقالـه الشيشخـانـي ::: معنـا فرنجـي للارقاب يشعـــــــــــن
وهذا الجواب اللي ظهر من لساني ::::والامر لله والسبـب نفعلـه حـن


رحم الله الأميرين الشاعرين وعفا عنهم



وسلامتكم

آخر تعديل ابن رشيد الشمري يوم 09-Dec-2008 في 01:50 PM.

[أبو مرحبا]

الله يرحمهم ويرحم أموات المسلمين

يابعدي بيض الله وجهك على النقل الموفق


تقبل مروري وأحترامي لشخصك


أخوك
أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[سطام العفار المزحمي]

الله يرحمهم ويرحم أموات المسلمين

ابن رشيد تسلم على المحاورة الجميلة

[أبو عمر الأسعدي]

رحمنا الله ووالدينا
وللأميرين وأموات المسلمين
شكرا
يابن رشيد

[المطيري سلطان]

[align=center]عزيزي ابن رشيد الشمري هذه المرادهـ شهيرة وإليكـ القصيدتان كاملتان وأتمنى تحوز على رضاكـ


قصيدة فجحان الفراوي على لسان محمد العبدالله الرشيد مرسلها لـ محمد بن سعود ال فيصل ( غزالان )

أبدا بذكر الله على كل شاني =اللي رفع سبعٍ وسبعٍ بسطهن
ياراكبٍ من فوق ست وثماني =بين الحجر ومحقبه دوم يرعن
بنات حرٍ ضربوهن عماني =وجن البكار وكل أبوهن على سن
وعصيان أهلهن كلهن خيزراني =وكل الكلايف فوقهن ما يخطرن
تلفي محمد شوق صافي الثماني =ابن سعود ويفعل الزين له فن
دنياك هذي ما تجي بالتماني =كم خاب من له في رجاها غدا ظن
طاوعت شور مريشين الاذاني =لا جوك بيضان الغتر كنهم جن
وسلاحنا المصقول والشيشخاني =وشن ما نعرف اجناسهن توهن جن
وحصان تركٍ من جرير المعاني =ما يلحق العنان راسه الى عن
رجلٍ لطيف وبه طلاقت لساني =ادعى الزمول الصايكه ما يهدرن
لا بدنا من ساعةٍ بامتحاني =وخيولنا تاتيك عرجٍ باهلهن
والامر بيد اللي ليا راد كاني =والعز بيده والسبب واردٍ من

وهذا رد محمد بن سعود ال فيصل ( غزالان )

ابدا بذكر الله على كل شاني =ومن وحد الواحد على الرشد له فن
وخلاف ذا يا راكبين السماني =اكواعهن لازوارهن ما ينوشن
قطم الفخوذ موردات المثاني =بتر الفخوذ اذيالهن مثلهن هن
ورقابهن مثل الجريد اللياني =شبه الادامي بالسهل يوم ينحن
يا زين سوق عصيهن باليماني =من قصر جدي ياسعد وين يمسن
باسفل شعيب سدير عند الشباني =ان نوخن اقترن هن وهلهن
عند الفهيد معزّبٍ مرحباني =كلٍ يقول بجيرتي ما يفوتن
يجري لهن بالبن زين الاواني =ومهارجن يطرب لها البال لاجن
يا سايرينٍ قبل وقت الاذاني =قبل الطيور لرزقهن ما يطيرن
والي اعتليتوا من كبار المثاني =عوجوا رقاب ركابكم لا يخفن
لا روجن مع جال جو دناني =خوفً الزمل مالاج بقلوب اهلهن
يلفن اخو نوره منجي الحصاني =والى لفنه جعلهن ما يردن
مومي لهشال الخلا بالرداني =لولاه طاوع شارب التتن والبن
لا يحسبني عن لقاه متواني =ناصيه وابغى اتيه لزمٍ بلا من
لو كان في برزان زين المباني =ان سلم راسي والهبايب يهبن
القاز يعبا للضروس المتاني =واعرف ترى سن اللبن يقلعه سن
وحياة رب الناس مغن البناني =يا جموعنا وجموعكم بي تلاقن
مثل الصلاة الزاكي النقر حاني =لزمٍ ترى خمس الفرايض يصلن
حتيش يا نقالة الشيشخاني =معنا فرنجيٍ للارواح يشعن
الناس مثل الناس وماغط باني =ومن قال انا الطيب يعابيه ابن من
والزين ما يدقم شباة السناني =والشين ما يقصر يدينٍ يطولن
واليا اجتمع زينٍ وضرب اليماني =لذة نعيمٍ بالجسد وان توافن
اضرب بحد السيف هو والسناني =لين العذارى يا سعد لي يعذرن
ليا اعتليت قطي بنت الحصاني =عيب علي احرافته لين يقفن
ذا قول من لاهوب ولدة هداني =ولد شجاعٍ من شجاعٍ على فن
علي راسٍ فيه مثل النواني =مثل العشق في ليل غدراً يصبن
رسمٍ بهامة نادرٍ زعتراني =رسمٍ بهامة نادرٍ يقلع السن
وتم الجواب اللي ظهر من لساني =والامر لله والسبب نفعله حن

وأشكركـ على الموضوع المميز بقصائدة

آخر تعديل المطيري سلطان يوم 09-Dec-2008 في 07:47 PM.

[ابن رشيد الشمري]

اشكر الاخوة الذين مروا على المشاركة والذين ردوا على المحاورة

والاخ المطيري سلطان اشكره على الاتيان بالقصيدتين كاملتين

ويبقى فجحان الفراوي من كبار الشعراء وقد لازم ابن رشيد فترة ليست بالقصيرة


وقد كان (غزالان) يلقب بهذا اللقب لجماله وشاعريته وكونه امير وشجاع
فجمع اربع قلما تجتمع في رجل لذلك ابن رشيد لمز لهذا الشيء (رجل لطيف )

وكان الرد صاعقا من الأمير (غزالان) عندما قال :
والزين ما يدقـم شبـاة السنانـي : :::والشين ما يقصر يديـنٍ يطولـن
واليا اجتمع زينٍ وضرب اليمانـي ::::لـذة نعيـمٍ بالجسـد وان توافـن

[أخو جوزا]

سلمت يابن رشيد وسلم المطيري سلطان

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[عقاب العنزي]

لاهنت يابن رشيد على ايراد المحاوره لكن فيه بيت لم يذكر من بيوت

ابن رشيد لااعلم هل سقط سهوا ً ام عمدا ً رغم انه اشهر بيت بالقصيده

حنا الضياغم واصلنا بقحطاني ،،، وانتم بني وايل صحيح ٍ بلا ظن

ولكم الشكر

,,

[العــــــــابر]

سلمت يالغالي على النقل الرائع

والاميرين مكانتهم كبيره بالجزيره العربيه

رحمهم الله وادخلهم فسيح جناته

كل الشكر على الطرح الراقي

دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله