العمده=
قوم يالنشمي واخذ من عمك العمدة نصيحـه=كان قلبك قلب ذيب وتحفظ وصـاة العمامـي
البـلاد بخيـر والعربـان فيهـا مستريحـه=وانت اشوفك تزرع الآشواك من حول الخيامي
النشمي =
الثبيتي حط سكينه على حلـق الذبيحـه=الذبيحه طايحه فالقـدر مافيهـا كلامـي
يوم اقول الحق ماسويت عيب ولا فضيحه=والمناقش في حدوده ماتجاوزت النظامـي
العمده=
قدركـم ياثبيـت للمترديـه والا النطيحـه=ما انتم بويا البعير شعيل مردوم السنامـي
انت فكيت الك باب يجيب لاهل الضلع ريحه=ما حسبت (العاقبة) و(النور) جلاي الظلامي
النشمي =
قدرنا فالصدر... والثنتين للعمده؟؟ منيحـه=ومن يقدم طيب اله عندي معزه وحترامي!!
كان جت من يمكم ياهل القلوب اللي جريحه=مالكم من عندنا الا ميسماً فالنار حامـي!!
العمده=
لا تقدم وانت مالك زود مجد ولا مديحـه=ما تزود عن الرجال الوافية لو هو جرامي
الجهل راعيه لوّ يقوم يا مسرع مطيحـه=وان تكرفس من سبايب زلته ماعاد قامي
النشمي =
مافعلت الطيب اريد المدح من نفساً شحيحه=اذخره عند الرجال اللي لهم قدر ومقامي!!
فيه ناساً تشحن العمده مثل شحن الشريحه=والدليل انه بدى الطاروق مارد السلامي!!
العمده=
الفخر واحد لكل الروس والآلسن فصيحه=لا تميّز بين مطلق والعصيمي والزلامـي
نفسك اللي تامرك بالسوء وتغز القريحه=اعصها قدّام لا ترميك في وسط المضامي
النشمي =
الحجاز اجبالها ماهي مثل هجـرة مسيحـه=والاصل ماهو سوات الفرع يالحرالقطامي!!
انت من مبدى كلامك نيتك ماهي صحيحـه=يوم افكر في علومك لا حلال ولا حرامي!!
العمده=
الجبل لولا غلا اللي ساكنـه نقـدر نزيحـه=والعرب بالفعل وانا اخوك ماهـي بالاسامـي
يالحصان اللي مع الطرقة بديت اسمع ضبيحه=نيتي عليا وفيها صـون لحقـوق الكرامـي
النشمي =
الفعل من سيفي لاملح عسى ربـي يبيحـه=وانت تدرق فيه يوم الخيل جايلها ازدحامي!!
انت دلواً يوم تلتـه الرشـا بيـن نضيحـه=لاتعذر وانت من مبداك في خشمك عرامي!!
العمده=
يا فيافي نجد هاتي كـل الاخبـار الصريحـه=من هو للسنيـن الموحشـة شـد الحزامـي
ما اتعذر مار اداري صاحبي عن كل صيحـه=لو ما ادراي كان من هاك العشي روّح عدامي
النشمي =
انت قبل العود حبل الدلو ماتقـدر تميحـه=ماتحصل في فيافي نجد مشروب وطعامي!!
ماندور عذر من راع التـزري والقبيحـه=اشهدو ياروق واشهد يالعصيمي والقثامي
العمده=
احمد الله يالعتيبي واكل من حيد الصفيحه=خاشر اللي حج واوفا حجه وصلى وصامي
والفتيله خلها دايم بعيـد عـن القديحـه=لا تولع ثم يالنشمـي يقومـون النيامـي
النشمي =
احمدالله واسترح في نجد واكل امن اللتيحه=رافق اللي لن حصله زاد ماحصل يدامي!!
نارها للي يحب الـزود وعلومـه بجيحـه=لا تزاعم وانت يالعمده ماتقوى للزعامي!!
| التوقيع |
ماني بلا روقي ولا برقاوي = انا ثبيتي جد روق وبرقا
|
« آخـــر الـــمـــشـــاركــــات »
العرض المتطور
