قوم يالنشمي واخذ من عمك العمدة نصيحه=كان قلبك قلب ذيب وتحفظ وصاة العمامي
البـــــــــلاد بخير والعربان فيها مستريحه=وانت اشوفك تزرع الآشواك من حول الخيامي

الثبيتي حط سكينه على حلق الذبيحه=الذبيحه طايحه فالقدر مافيها كلامي
يوم اقول الحق ماسويت عيب ولا فضيحه= والمناقش في حدوده ماتجاوزت النظامي

قـدركم ياثبيت للمترديه والا النطيحه=ما انتـم بويا البعير شعيل مردوم السنــامي
انت فكيـت الك باب يجيب لاهل الضلع ريحه=ما حسبـت (العاقبـة) و(النور) جلاي الظلامي

قدرنا فالصدر... والثنتين للعمده؟؟ منيحه= ومن يقدم طيب اله عندي مهزه وحترامي!!
كان جت من يمكم ياهل القلوب اللي جريحه=مالكم من عندنا الا ميسماً فالنار حامي!!

لا تقــدم وانت مالك زود مجد ولا مديحه=ما تـزود عن الرجال الوافية لو هو جرامي
الجهل راعيه لــــوّ يقوم يا مسرع مطيحه=وان تكــرفس من سبايب زلته ماعاد قامي