محاوره بين فيصل وملفي

[الباااسل]

أنقل لكم هذه المحاوره التي جمعت كلاً من :



ملفي المورقي وفيصل الرياحي






الرياحي

سلمولي على ملفي سلاماً كثير =من ضميراً مايلحق له خصيمه مدا
قادها قادها ذا الليل سلك الحرير = يوم ناداني الطيّب سمعت الندا

المورقي

بلّغوا له تحياتي بحلّة مطير = من ضميراً سليمً مايعرف الردا
بالكرم ضنّي ابن مهيد ماله خشير = لوسمعت المصوّت بالعشا والغدا

الرياحي

انت مشغول ماتسمع هدير البعير = هرشك اللي هدر له هدرتين وغدا
شبت النار فالخيمه وشقّ الحصير = مالك الا ترش النار لين تهدا

المورقي

هرشنا تعرفونه فالنهار الكبير = كم قتل من بشر جعل اقتلاه اشهدا :d
يالرياحي عساها تشتعل وش يصير = ودي احدا مدام ان الرجال اتحدا

الرياحي

ماذبح له كبير ولا ذبح له صغير = اجرباً لا مشى فالدرب ماله جدى
ياعتيبه تراكم قبل فعله بخير = يزعلون القرابه يفرحون العدا

المورقي

لا تحارش جملنّا ثم يجيلك مغير = خل غيرك يابن منصور كبش الفدا

:d

[البريماني]

الله الله الله عليك يابو وااافي


هرشنـا تعرفونـه فالنهـار الكبيـر
كم قتل من بشر جعل اقتلاه اشهدا :d
يالرياحي عساها تشتعل وش يصيـر
ودي احدا مدام ان الرجـال اتحـدا

[الذيب العصيمي]

ابو وافي وافي


لاهنت ياخي

[نزهان الروقي]

لاهنت بابوووووافي








هههههههههههههههههههههههه



والله قويه

[سفير الزعماء]

لاهنت يالباسل

[البرنس العتيبي]

هذا ملفي الي نعرفه

[ابو فايح]

لاهنت يالباسل على النقل ومتى كانت المحاوره قبل حلقة كديميس او بعدها؟؟؟

[الرشيدي]

مشكووووور يالباسل

ليتك تنزل محاورة فيصل وملفي بأم رقيبة محاورة نارية فعلاً

[الباااسل]

الوفا طبعي تشكر على المرور يالطيب

[الباااسل]

لاهنت يالجد محصان



يعطيك العافيه