طالبة بدوية 00 ترد على زميلتها ...

[صبي عتيبه]

هذه القصه يقال انها حدثت فى احدى كلياتنا بالمملكه لطالبه وزميلتها

وتقول القصّة ان احدى طالبات الكليه كانت تسكن فى احدى القرى وكان يغلب عليها

طابع البداوه من حيث لبسها لقلة ذات اليد ، وكانت من المتفوقات فى دراستها

وذات يوم مرت احدى الطالبات ورأتها فقالت شوفوا البدويه .. فحزت هذه الكلمه

فى نفس الطالبه فلما وصلت بيتها كتبت هذه القصيده التى هى حقاً رائعـــــه

ارجو ان تحوز على ضاكم



ايــــه ابدويه ريحتى بن وبهـــار= هذا شرف مــاهو بحقى خطيـــه
انــا ابدويه بنت حرِ مــــــن احـــرار= فزعـات ربعى بالشدايد قـــويه
انــا هلى يابنت وافيـن الاشبـــار= كـانك جهلتى من انـا ياغبيـــه
ياجاهــله ماتغذى الشمـــس الانـــوار= حنـــا كما شمـــسٍ على الارض ضيه
حنــا هل الطولات هيبـــه ومقــدار = حنـــــــا مثل للشـــرف والحمـــيه
حنـــا الطنايا للكرم رمز وشعــــار= حنـــــا خوي مــايخلي خـــــويه
الذيــب يوم انه عـــوا وسط الاسعـــار = عشـــــوه ربعى من سنين مــديه
يـــــوم ان جدك وثق القفل بالـــدار= بـيــت الشعـــــر مفتوح صبح وعشيـــــــه
للضيـف ريف وللمعـــــادين جبـار= نــــرد العياض ولانهـــــــــاب المنيــــــه
يابنــــت لو بكتب من اشعار واشعار = تعجـــز عن المعنى حــــروف ابجــديه
ويابنت خــلى اللعب لعــــيال شـــطــار= لاتدخـــلين السيــــل وانتى نــــديه

[الغربي]

تكفى علمني منهى هالبنت الى قالت القصيده
على الملازيم ملازيم الرجال لروح لبوها واخطبها هذىالى مثلها ترفع الراس
ان كان منتب معلمنى على المنتدى ارسلى على الخاص
ولا تحسبني العب
والله العظيم انى صادق

[راعي ريمان]

ان كان تمنها كلٍ مثلك يبها الله يجبها لك

[سطام بن فهيد]

حنــا هل الطولات هيبـــه ومقــدار = حنـــــــا مثل للشـــرف والحمـــيه

حنـــا الطنايا للكرم رمز وشعــــار= حنـــــا خوي مــايخلي خـــــويه

الذيــب يوم انه عـــوا وسط الاسعـــار = عشـــــوه ربعى من سنين مــديه



الطنايا== شمر والله ونعم ارجال عيال ارجال

وصح السان الشمريه كفت ووفت


ومشكور اخوي

صبي عتيبه على ذي القصه والقصيده
والله يعطيك ويعطي الجميع العافيه
ولك تحياتي
اخوك
سطام بن فهيد

[حـــ(مجروح)ـــر]

بيض الله وجهك يا صبي عتيبه
على هذا النقل

وبيض الله وجه بنت الرجال انا اشهد انها مهرة اصيله وهذا عادات بنات الحمايل وكلا" دون عانيه ..

[معذبهم]

هذا يسمونه في اللغه العربيه "ابداع خارق عن العاده"
ولله قصيده اكثر من رائعه في كلماتها و معناها.....
مشكور اخوي على هالقصه و القصيده... و ننتظر المزيد منك