قصيدة رثاء للشاعر سلامه سعد العنيني الجهني في وفاة اخيه الشاعر بخبت الجهني

[احمد العنيني الجهني]

البارحة آلام قلبي جات منكبه =كب الضوامي على الماء في تكببها
النار بين الضلوع العوج مشتبه =ناراً تلظى على كبدي لهايبها
منها عيوني تحشر دمع وتصبه =دموع دم أغرقتني في تسكبها
وحتى القلم دم يقطر كل ما اكتبه =كنه معلم عن الحال ومتاعبها
من يوم جاني خبر بخيت عن ربه =وأنا همومي تجاذبني وأجاذبها
بالليلة اللي عليه حزنها شبه =يبقى ما عشت الليالي من سبايبها
خلاص حزني رفيقي كاسه اشربه =سعادتي غثبرت بقعا مشاربها
على فراقك بخيت القلب عن طبه =قنعان لو جابوا الدنيا واطاببها
قلت اجمع قواي لكن القلب من حبه =بعثر جميع الأمور اللي مرتبها
وسهم المنايا فؤادي قام يلعبه =وأحزان قلبي تصافق بي هبايبها
والله مهما على صوتي وأطالبه =ما أدله النفس عن فرقى حبايبها
ولا أنساك يا أبو زياد ودمعي أصبه =ما أنساك لو أملك الدنيا ومكاسبها
يا راعي الموقف اللي دايم أكسبه =بوجودك الناس ما نقصت واجبها
عساك للخلد بالفردوس تصحبه =مع سيد الخلق وأصحابه مصاحبها