الهيضل والنخوة العربية

[ابو جمعة]

السلام عليكم ورحمة الله وبركاته.
قصة الهيضل تحكي للناس عن شجاعة هذا الرجل
هو مناحي الهيضل (راعي البرصا)
كان الملك عبدالعزيز جالسا في مجلسه مع شيوخ القبائل
وكان الهيضل من ضمنهم
التفت الملك عبدالعزيز إلى الهيضل وقال له اسألك
بالله ان تقول لي سالفتك مع الحربي
قال الهيضل ذات يوم كنت ذاهبا إلى محسن الفرم
وعندما وصلته اكرموني الحروب وكنت في مجلس الفرم
وفي وقت الظهر صاح الصايح ان ابن رشيد اخذ الابل
قام الفرم والحروب معه وركبوا خيولهم
ولحقوا ابن رشيد.
وعندما تاخروا جائتني بنت الفرم تصيح وتنخاني.
عندها فكرت وقلت في نفسي ان المعركة بين شمر وحرب
وانا مالي دخل فيها وقامت البنت تصيح وتنخى
فركبت الفرس واخذت الشلفا وذهبت إلى ارض المعركة
وعندما وصلت المعركة وجدت ان شمر واقفين دون والحروب
لاحول لهم ولاقوة
فهجمت على شمر لوحدي ولا اشوف هاك الاسمر الداهية دون الابل
وكان احذف عمري عليه يوم شافني ويسحب رمحه ويقبل علي
كان اجنب عنه ويرميني برمحه ويخطيني واعود عليه
واضربه بالشلفا وكان يطيح من فرسه ويموت
ويم شافوا شمر فارسهم مقتول ويهجون ويتركون الابل.
واسترد الحروب ابلهم.

وكان الفرم حاضرا في مجلس الملك ويقوم ويقول انا اشهد انه صادق
ياابن سعود.

واسف على الاطالة.
وشكراااااااااااااااا.

[سعوط المجانين]

اخي ابو جمعه

ماقصرت على هالسالفه....

وهذا شي لا يستغرب على مناحي الهيضل...

وهو كدها وكفو................................

[داهية عتيبة]

تسلم اخوي ابو جمعة

قصة رائعة



لك جزيل الشكر ..

[محمد الحميدي]

لاهنت يابن جمعه على يراد القصة التي تدل على الشجاعه والنخوه

وهي ليست مستغربه من الشيخ / مناحي الهيضل

شكراً

التوقيع

[@ـايل]

والله وسبعة انعام بالهيضل..انا اعرفهم شخصيا ..مرورا بالشيخ نايف ابن صلال الهيضل الله يرحمه الذي توفى قبل 3 اسابيع تقريبا ..

وهم غنيين عن التعريف ...اشكرك يابن جمعه على نقل القصه الطيبه اللي تنومس ...لاهنت والله يعافيك ونطمع بالمزيد ..

التوقيع

تويتر : AlHooL@

[سعد بن مطلق المقاطي]

مناحـي الهيضـل هـزم فــوق سبعـيـن =فـــارس لـحـالـه عـنــد ذوده مـقـيـمـي
غاروا عليه اللي على الموت جسرين = قـومـاّ لـظـيـه والخـصـيـم الخصـيـمـي
طردهـم عـن الـذود طــرد السراحـيـن = خافـو مـن المـوت الحمـر والجحيمـي

ونعم بالفارس مناحي الهيضل

تسلم يابوجمعه على ذكر القصه البطوليه

التوقيع

ديــــــــــــــــواني

[عبدالرحمن الهيلوم]

والله انه مضلوووم اعلاميا

شيخ فاضل ورمز من رموز الهيلا وفريسها الله يرحمه

والنعم به وبشمر الطنايا وبحرب الغالين

[ابو محمد الدعجاني]

اخوي ابو جمعه بيض الله وجهك على الموضوع الطيب بس حبيت انك توثق السالفه بقصيده او مصدر لاجل ما يكثر الكلام والشوائب عليها

وراعي البرصا غني عن التعريف فارس وشيخ معروف من سلالة اومرا وتاريخ اومرانا الهياظله كل يعرفه


هذا بيت للشاعر ابراهيم ابن جعيثن من عرض قصيده يمدح فيها اخو مظاوي راعي الربصا


لاصرت عن حمل المواجيب عجزان

ازبن على برقا يفكك مناحي

الله يرحم شيوخ عتابه والحي منهم يمتعه بالعافيه

[مدرهم ابو كتيفه]

والنعم بمناحي الهيضل

فارس وامير


ولايهونوون شيوووخ عتيبه

[العــــــــابر]

والله ونعم بالهيظل وكما قال اخوي الهيليوم انه مظلوم اعلاميا والرجل ماخذ حقه مثل غيره تاريخيا

وهناك كثير من فريس عتيبه ماخذوا حقهم بعد بس يمكن لان كل عتيبه فريس ومشاهير لو بنتكلم عن كل واحد منهم


يبيلنا خمسة ملايين كتاب.
طرح رائع اخوي الكريم

دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله