ياشارب الدخان بنصحك لله= تب عنه لله واحذر انك تعودي
افتك من ناره وريحه وبلواه =لاتبتلي اللي بالمجالس قعودي
هي شجرة الشيطان زرعه ومجناه= تقضي على روحك ولامنه فودي
خسارة في المال والحال يقفاه= نارن على جوفك توقد وقودي
تطويك طي مصدر الورد لرشاه =لينه حنى حالك كما حني عودي
راعيه من شربه تنفخ رياياه =يقوم يسعل لين يوعي الرقودي
واليا رقد ماقام والوقت خلاه =حتى صلاة الصبح عنده تكودي
ابنصحك والله ماابيلك مجازاه =ابيك تفلح في نهار الوعودي
لابد ما للعبد توسيد يمناه =في حفرة تطوى عليه اللحودي
ماله صديق ينفعه من دناياه =ولاعاد يقدر بالصحايف يزودي
ماغير هاك اليوم تعزاه ونعاه =لاقيل ياالله ترحمه يامعبودي
الله يفكك منه مااحسن عطاياه= ويكفيك شره لين حالك يعودي
الله يدلك مصحف الدين تقراه =حتى يجيلك يوم تبعث شهودي
صح السان الشاعر والناقل 
« آخـــر الـــمـــشـــاركــــات »
العرض المتطور
