ديوان الشاعر / مشعل بن شباب الشيباني

[ابو محمد الدعجاني]

راكب اللي لانهمته وانتهض صدره وفـزا=انتهاضه حرٍ اشقر شاف جول الصيد شوف
مركبه فخر ومهابه .. منظره هيبه وعـزا=من يشوفه ماله الا شبك اصابيـع الكفـوف
جيب لكزس بالمواتر لامشى قلـت يتهـزا=كنه لمن جاء يطوفه قـال والله ماتطـوف
مركب اصحاب الفخامه والمطانيخ الاعـزا=بس دونه يالرفاقه وقفـت شهـب الالـوف
صنعة قطوم الخشوم اللي كبر حـب الارزا=قوم تعرف بالصناعه بس تجهل بالـرؤوف
قدر غيره في حدور وقـام قـدره يستعـزا=كل من جرب سواته صار للباقـي عيـوف
كنه لكـل المواتـر فـى الحقيقـه يستفـزا=كن كلمة جيب لكزس "بس" تنطقها البلـوف
نعنبو سيّد الفخامه ليش حـز القلـب حـزا=لين صار القلب كنه بين الاضلاع مخطوف
كل عينٍ لالمحته لـه تقـز الشـوف قـزا=لانه اللي في جماله حايزٍ كـل الوصـوف
نعنبو من صنعه حتـى تطـور واستعـزا=ليش يرفع قيمته على الفقارى والضعـوف
ليش يلعب بالمشاعر لين صـارت تستفـزا=ليش جمل صورته واغلاه من دون معروف
بس ؟؟ يستاهل حقيقه كـل مـالٍ فيـه دزا=لان فيه المال حتى لو كثر مـال مخلـوف
لو وكالات المواتر حطـت سبـاق وملـزا=نال جايزة التحدي شي واضح ومعـروف
اشتغاله صوت عودٍ في حدا عيالـه يعـزا=دمع عينه فوق خده مثل همـال الشعـوف
كن غازيات نوره برق ماهـي نـار قـزا=لاكشف للي امامه حولـه علـى الكتـوف
لانطحته الله اكبر جوهـر ولؤلـؤ مجـزا=وان قفيته حامل اثقالٍ نموه فـى الكتـوف
واعتراضه سحب صيفٍ تنثر الماء كل حزا=وان تباطا فى مسيره اخذٍ سيـر الهنـوف
ورده عبداللطيف ابن جميـل بكـل عـزا=الوكيل اللي برز واصبح مع الناس معروف
زين دزه مع فيافي نجد ياهل العـرف دزا=قدم دربـه ماتوقـف لارمـال ولاحتـوف
لامشى من سرعته كنه يهز الارض هـزا=كن بركانٍ تفجـر بيـن جـده والهفـوف
منوة اللي خاطره من داخل الديـره تقـزا=وده بجوٍ طيوره ترسل الصوت معـزوف
مكثر اللي وده أنـه فـي حراويـه يتلـزا=بس ياصعبه على اللي شمسهم فيها كسـوف

صح السان الشاعر والناقل