سعود العصيمي=
يالجذع قم جيب جيب مابصدرك من علوم=كان عندك علـم علـم لاتطفـي نارهـا
انت ذيب وذيب ذيب فالدفاع وفالهجـوم=مار خلك ولم ولم عقـب شبـت نارهـا
سلطان الجذع =
يالعصيمي عيب عيب ليه خليت السلـوم=للقبايل سلم سلـم كـان شبـت نارهـا
فيك شك وريب ريب يوم نفذت الكمـوم=رحت تخرج فلم فلم ( كيف تشعل نارها )
سعود العصيمي=
للسؤال اجيب اجيب لا تلخبط فالرقـوم=انت حالم حلم حلم يـوم شبـت نارهـا
مانت عالم غيب غيب مار ريح ومخدوم=حرب والا سلم سلـم مانطفـي نارهـا
سلطان الجذع =
ياابليس أهيب اهيب سقت قومٍ يم قـوم=من عفيف لظلم ظلم دوب شبت نارها
الغوارب شيب شيب والله اعلم بالوسوم=كيف سيقت ظلم ظلم يوم شبت نارهـا
سعود العصيمي=
ياعتيبي طيب طيب قبل تاصل للخشـوم=العلـوم الدلـم دلـم ماتولـع نـارهـا
رحت لك مع بيب بيب طاح حظك مايقوم=مايسد الثلـم ثلـم بعـد شبـت نارهـا
« آخـــر الـــمـــشـــاركــــات »
العرض الشجري