هديتي لكم قصيدة لسلاح عتيبه

[ابو مصعب]

السلام عليكم ورحمة الله بركاته



سكتنا واحترمنا ناس مايستاهلون الإحترام وطولنا بالنا عليهم



وكل يوم نقول بكره احسن بكره يعقلون لكن للأسف كل يوم يزيد عن اللي قبله



لدرجة توصل فيهم المسأله انهم يفرقون بين عتيبه!!!!!!!



يعني شكلكم ماهمك لابرنامج ولاغيره كل تفكيركم وهمكم قبيلة عتيبه وشاعرها كديميس



لا إله إلا الله وش هالحقد




بالله عليكم ركزوا بالقصيده وشوفوا الفرق بين قصايد شاعرنا كديميس وشعار حرب وهي رد على الشاعر بدر الحويفي وجزاء صالح الحربي
والاعضب عضيب وهايس الحصني في شريط

المنشوره في ملتقى حرب

سر ياقلم واكتب كلامٍ مذهب = مثل الذهب يذهب كلام اللعوب
رداًعلى خطٍ لافني منجب = متجمعٍ لي فيه شلقة حروبي
وانا على كثر النياشين ماانشب = اشوف بالحجه مسالك دروبي
ماابغى القصيدولا ارغب الشتم والسب = لكن نجسين الكلام هرجوبي
قامت بعارين السوالم تلاسب = برد عليهن الهوى من جنوبي
تهادرن لان الهنادي مقضب = اللي لها الباع الطويل محسوبي
وتناخرت مسروح فزعه على غب = شافت بني سالم تسوي حزوبي
ومن قبل لا شافن جملنا تكرب = الكل منهم ذل دوبه يحوبي
يقضع بنيبانه ويفرس بمخلب = ولا هوب في صعب المواقف هيوبي
واليوم جا دور الحصيني والاعضب = والمنتسب للقايمه والطثوبي
لا صاينن عرضه ولا خايفٍ رب = ولاهوب من كثر الخطايا يتوبي
بقارت القصمان سووا تعصب = اللي نغق واللي يقول احسبوبي
كلٍ على صوت المسجل تدردب = يقول هاتو محقن الصوت صوبي
وبابورهم خاطر وشرق وغرب = من الخليج اليا المدينه يلوبي
اليا انحدر ياصل ليا الثلب الا صهب = واليا استند عند الحويفي يدوبي
وخيالهم خيل ولكن ماصب = يقبل وتقفي به زعوج الهبوبي
والنار لااشتبت وقامت تلاهب = الثلج لابده يميع ويذوبي
ياللي تحدانا وراسك منقب = وراك عنا بالحجاب محجوبي
عرف لنا نفسك وتشرب ونشرب = والدلو ينزعها النشيط الجذوبي
والطيب مايشرى ولا هوب يجلب = وهايبٍ تخلق بوسط القلوبي
ومن لا حصله في اول الوقت مكسب = ماينفع المسكين نفخ الذروبي
وان كان غاوينا العضب والموضب = النور مايطفيه حكي الشذوبي
حنا لنا في سلّم المجد مقضب = ولنا علم خفاق بين الشعوبي
ولنا بديوان الشرف صرح وقبب = يلجا لهن من ضايقته النبوبي
حنا بني عاصم لنا ادوار ورتب = وكردوس خيل القوم عنا هيوبي
ركن من اركان القبيله مجرب = وعند اشتداد المعضلات مهيوبي
يدري بنا من جرب الحرب والضرب = والا الهتول البارده مادروبي
اثبيت لنا التاريخ رايه ومنصب = يلاذ به عند اشتداد الكروبي
واميرنا اللي كل مادبر انطب = بمهندٍمن دم حرب مخضوبي
ابا العلا سلطان بالسيف الاحدب = عند التوالي ماقفه ياالخنوبي
يقول مالي عن هل الخيل مجنب = ابا احتمي بالسيف قومٍ غزوبي
زبن الحصان ان كان قصر وثرب = والا اللدوح اللي بقينه عيوبي
ويوم الذيابه في الجذايب تجاوب = وحريبنا عنه المنام محروبي
بس يتجلد كن عينه بها شب = وان شافنا ضاقت عليه الدروبي
ولامن سهاج المواجيب جنب = نقوم بالماجوب حق ووجوبي
رجالنا لا زاره الضيف رحب = وقلط قريشيات سود اللغوبي
والهيل والبن اليماني معلب = مع منسفٍ تضفي عليه العصوبي
وان عاضبت قال الليالي تقلب = يالربع عسرات الامور قصرو بي
ورجالكم لازاره الضيف تنضب = وتغانم الزرقا المسوح الحلوبي
بيته كبير مير ضيفه يسيب = ينهار لا صار المعزب سيوبي
ياللي تجاهلنا علامك تهرب = عن كلمة الانصاف جابك رسوبي
يوم انها مابين غارات وسرب = اخذت ثوبك وانت ماخذت ثوبي
احدٍ لبس ثوبين بيضٍ تساحب = واحد على ثوبه يصيح مغصوبي
بين لي المغلوب واللي تغلب = وكاد مسلوب الثياب مغلوبي
كم راس حربي ٍقضينابه النب = وقلنا لمن خلفه تراك مهزوبي
والبشري اللي عن ظهرها تشقلب = من عقبنا مايستطيع الركوبي
عقناه واعتقناه من عقب صوب = وعاداتنا نعطي العفو من يتوبي
وقمنا بجايحت الصويب يتطبب = ويقول تكفون ارفقو واعتنو بي
وابن الحريش اللي على الخيل مذرب = على حصان له عزومٍ هذوبي
عاقه جزى بمشلشلن يلقط الحب = خيال طفحت الذراع الذنوبي
خلي خلاف الخيل طايح ومنكب = الرجل ميت والحصان معطوبي
وتعلم العقصان عن وقعة التب = يوم الثميدي صايرٍ له شبوبي
صكو على تسعين قرم ٍمشورب = كلٍ يقول ارقابكم وارتضوبي
ثم ردها سلطان واومى للقرب = صاح بني عمه وقال اقتدوبي
يوم المهند والرصاص المذوب = من الصبح حتى حان وقت الغروبي
وسيوفنا وسيوف الاعدا تعاقب = حتى سمحو لهل الجبل يالعقوبي
كن التعاج السيف يوم يتعقرب = برقٍ لمع في مرزمات النصوبي
حنا ذهبنا بالنضى كل مذهب = يثلغ حفاهن من طوال الدروبي
اركابنا من كثر الادلاج درب = من البحر الاحمر للخليج العروبي
مغيضات اخذناها بخشم المكعب = هزع المواخر من خيار الكسوبي
والثانيه صار الجنب ماتغيب = لو كان في المضمى العزيب معروبي
وتواجهو عند العشاير على قب = وطاح العشى للذيب من كل صوبي
وفي يوم عرجا يوم الارياق نضب = وحنا جناح الميمنه يالخنوبي
يوم الاسنه والاعنه تجاذب = والسيف عن ضرب الرديني ينوبي
تعبكم فرساننا في اللقى عب = حتى تمنيتو طريق الهروبي
ضاقت بكم ريعان ذيك المذرب = كلٍ يقول الدرب الي يامحبوبي
صرتو ثلاث اثلاث في اليوم الاصعب = دبيلةٍ صارت عليكم سحوبي
احدٍقضى نحبه واحدٍ جود الدرب = واحدٍ منيع بالاحبال معصوبي
لاجت عذاراكم عليكم تناحب = شافن قمركم غاب قبل الغيوبي
وحسناءعلى شرهان بنتٍ تذلهب = جينا نقوده بالهنوف النصوبي
وقامت تصيح وتزهم الاخو والاب = وتقول عطبين الضرايب غدوبي
معاركٍ تغني وتفرح وتغضب = بوادي الرشا لازينته العشوبي
وشاعركم اللي بالهناديب هندب = وارسل لنا بالكاس مر الشروبي
وقال الدويش بجمع علوىتحزب = واليوم واديكم تراه مخطوبي
وجاه الجواب اللي يجب الظهر جب = واقفا عن الوادي صياحه طنوبي
ولاذمنا الا المشتبه والمعقب = والفعل مايلغيه حكي النتوبي
قصايدي في حرب رجة عصب حرب = وتهزهزت راياتهم وقصدوبي
أثر بهم ماقلت لانه مركب = حشرهم العلم الصحيح الصيوبي
وجاني شريطٍ فيه حكي ٍِ مغبب = متخلخلٍ معناه هش السلوبي
متجمعٍ لي فيه خايب ومختب = وهيس وعمى راي وحقير وهذوبي
وحطو لهم قولات واقوال وعكب = وقامو يحذفون الحصى في جيوبي
والكل منهم في كلامه مذبذب = مابين نمام وحسود وكذوبي
وانا مشيت ديارواقطار وشعب = ولو تنشد الاجناب عني دروبي
من زارني منهم فانا افز واطرب = وان زرتهم بديارهم رحبو بي
وساجلت شعارعلى البغض والحب = ياما نحيت القوم وياما انتحوبي
ماني بمسكين جداه يتعجب = لوكان خابوره بعلباه موبي
إلي سيرةٍفي الناس ماهيب تنسب = وغريبه اذناب العرب عذربوبي
وليا بغيت ابحث واعقب وانقب = بينت ماتخفيه بعض الجيوبي
ياهل المجال اللي بالاسود مخضب = كثر التبجح مايسد الثقوبي
عيال المساجد عندكم في المجبب = وصارت جناسيهم جناسي حروبي
انسابنا وانسابهم ماتناسب = لكن بعض حروبنا فضحوبي
انا كلامي باالدلايل مرتب = ماني بخباط الشجر بالعسوبي
ولوفيه رجالٍ كلامه مهذب = وتبقى الرسايل بس دوبه ودوبي
دخلت معه المعترك لين يسحب = والا انسحب واترك مجال اللعوبي
لكن حطو للتساجيل مكتب = شلقة حروبٍ مابهم من ينوبي
وشغل مسجلهم وكلٍ وما حب = وتحاشكوه مروجين الحبوبي
نبي نواصل في الخطوط المجاوب = حتى حدانا يستريح ويتوبي
اما لهم صار الرهن والهوى هب = ولا على الشعار هبت هبوبي

وعلى فكره البيتين الأخيره رد على الأكذاب اللي في منتداكم يوم تقولون ان الشاعر كديميس راح يشتكي



يقول كفوا حرب عني !!!!!!!!!! ماهوب سلاح عتيبه اللي يشتكي


ابو صالح ماعنده الاالمواجهه

[وحي العقل]

وانا علـى كثـر النياشيـن ماانشـب
اشـوف بالحجـه مسالـك دروبـي
ماابغى القصيدولا ارغب الشتم والسب
لكـن نجسيـن الكـلام هرجـوبـي




كديميس مايخطي ولكن لايسكت على الخطاء

[الشــاهد]

ابو مصعب


بيض الله وجهك وراسك مليان حميا


صح لسان سلاح عتيبة كديميس العتيبي

[سـامــي النفيعي]

كديميس ماعمره اخطآ لكــن يرد على من يخطئ بحقه وحق قبيلته ..

ولله درك .......

[اسمحلي مجنون]

ابو متعب

لاهنت على التوضيح وصح لسان الشاعر الكبير كديميس 0

[فهااد]

بارك الله فيك وصح لسان ابو سلطان

[عبدالعزيز البرقاوي]

صح السان الشاعر الكبير كديميس العتيبــــــــــي

[الدلبحي 511]

بيض الله وجه سلاح عتيبه وبيض الله وجهك يبو مصعب

[سلطان نايف العضياني]

يالربع لاتزيدون النار حطب ترا الفتنه مافيها خير
وهذي قصايد أكل الزمان عليها وشرب وكلن بين موقفه في ذاك الوقت

[عتيبي وافتخر بعتيبه]

لاحول ولا قوة الابالله عتيبه وحرب مابينهم الا كل علم طيب والفتنه نائمه لعن الله من ايقضها فلا تحذو حذو قناة الفتنه.