سعود العصيمي=
مادام مقعد حضر ليلي وليله سـرا=لكن جعله يحل اعقودهـا المبهمـه
يامقعد انتـه منـول ماتراجـع ورا=واخر زمن كل ذيب اتصير لقمة فمه
مقعد الدغيلبي=
ياسعود ياسعود عان البيع والمشترا=كلٍ على السوق تال الوقت ساق قدمه
انا على ماتبي ماقف وقـوف الـزرا=صاحبك فالنار دايم حامـيٍ ميسمـه
سعود العصيمي=
ماني معلمّ بها اللـي غافـلٍ مـادرا=لكن وشلون ابو سفيان رز اعلمـه.
ماني مسامحك لين إنك تـرد البـرا=وانته صحيبي وعلمي بعد جاك افهمه
مقعد الدغيلبي=
ماتنتلزق يابو طايل ولـو بالغـرى=يشهد على الي نقوله قاضي المحكمه
الغرب صاحبك شاله لين حتى انفرى=تدريبها وانتبه والرجـل لاتضلمـه
سعود العصيمي=
خلا الغرا والعلوم اللي بليـا ذرا=اليا عطيتك كلامٍ ترجمه ترجمـه
والله لتبطي وجرحك يالعمى مابرا=اعلمك وانت رح بالعلم ثم علمه
مقعد الدغيلبي=
اطويق ياسعود مايشبه لطلعة كرى=اقول هذاااه فص تقول وين عجمه؟؟
تبا الصراحه طرالي فالزمن ماطرى=البرق يبرق يابو طايل على المردمه
سعود العصيمي=
الناس يدرون بالايمن من الايسـرا=وانته تقول الحلا والمر زين اطعمه.
ولياطرالك طواري عد راس القـرا=اسر وصاحبك معك ويعرف الانظمه
مقعد الدغيلبي=
العرق تحت الثرى والغصن فوق الثرى=والجدر لاصرت انا موجود من يهدمه؟
اعقيل وجمالها تشكي عـذاب وهـرى=يامـدور المرحمـه ماعندنـا مرحمـه
سعود العصيمي=
لا والله جمعت الخير والمنكرا = واطلق شنب لابغينا نكتمه نكتمه
مقعد لو اترك له الزله علينا ضرا = لكن ابا اخنقه لين انه يضيع انسمه
مقعد الدغيلبي=
انته عيونك ترى وتقوليلي لم ترى=كن فالمختبر ياسعود حلـل دمـه
وليا عصا هاته اقرا فوقه الم ترى=والكافره ماتجي في حلة المسلمـه
« آخـــر الـــمـــشـــاركــــات »
30-Oct-2008, 10:40 PM
العرض العادي
