ما مـــــال جسر الرصــــافــه ,, للي خلاف الكواليس

[عيد العازمي]

مافيه رحمه ورافه ,,لاهل الوجيه المعابيس = والا عيال الحمايل ,,تكرم ولا والله الا
ما مال جسر الرصافه ,, للي خلاف الكواليس = يختار بين القبايل ,, واليا لطمناه ولا

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سعود الدماسي]

مافيه رفق ولطافه..لاهل الوجيه المفاليس=والا عيال العوايل...اكرام والهم محلا
ماحدن وصل للخلافه...من بعد مافارقت قيس=والناس فيها الهوايل...والرجم ضلعن مطلا

آخر تعديل سعود الدماسي يوم 17-Oct-2008 في 09:52 PM.

[معجب العتيبي]

الله الله

على هالابداع والتميز


وددت ان اكون احد اطراف هذا الطاروق الرائع



بس مالنا في الطيب نصيب


العازمي من تميز الى تميز

لله درك يابو طلال


والسيف المحنا كعادته مبدع


صحة السنتكم وسجلوني في صفكم

التوقيع

[سلمان الروقي]

العازمي صح الساااانك


السيف المحنا صح الساااانك





متابع للابداع ,,,

[نواف العصيمي]

صح لسانك يالعازمي .. ,, إبداع

وصح لسانك يالسيف .. ,, إبداع


ومتابع ..

التوقيع

[سعود الدماسي]

انتم يالشعار الكبار عطونا فرصه معك ومنتم لبعضكم بس هههههههههههههههههههه

عشان نتعلم

[عيد العازمي]

هلا بالسيف

الذيب قدمه خلافه ,, خاواه راع النواميس = ياراس لوكنت طايل ,, السيف بسمه يسلا
ماقول غير الحسافه ,,يامبعدين المراميس = لوكنت فالدرب حايل = يقصفك نجمٍ تجلا

[عيد العازمي]

معجب نحن نتعلم منك يا استاذنا الغالي


سلمان صح بدنك لاهنت


نواف العصيمي صح بدنك لاهنت


مروركم تشريف لنا

[سعود الدماسي]

الذيب مابه مخافه...وليا لزم حادي العيس=يمك يسوي عمايل...ماراح عنه وتخلا
ياليت ماجيت قافه...العازمي صاير نحيس=ماهو راعي جمايل...ماقال مرحب وهلا

[عيد العازمي]

مانته براعي حيافه ,, يادوب ترضع من الدّيس =ننشدك منته بقايل ,, كنّك من اهل المكلا
بدلتك تبغى قيافه ,, وتصير قدم النواديس = وان كان ضمن العدايل ,, كلٍ بربعه تعلا