تحية للجميع ... (سلام الله والشاعر ليا سلم يبي له رد).....

[محمد سفر الخديدي]

السلام عليكم ورحمة الله وبركاته

مسائكم / صبحكم الله بالخير

كل تحية وأحترام للجميع

أتيت لأستفيد وأطور من قدراتي الشعريه بكم ومعكم فتقبلوني

أقول :

ســـــلام الله والشـــــــــــــــــاعر ليا سلم يبي له رد = يبي له رد من ناس ٍ تعرف الشـــعر وأوزانه
وانا شــــــــاعر ولد شاعر وشعري ينسرد لي سرد = أجيب ابيوت موزونة ومضـــــبوطة ومليّانه

الفخر بالله سبحانة عز وجل

[الحشيشي]

حيا الله وهلا وسهلا




هلا يامرحبا ترحيب وافي مثل قطف الورد=تراحيب الرجال اللي تريض كل عجلانه




وميرادك على العد القراح اللي يسد الورد=بعدها عطني علوم الحجاز وسم ديانه

[محمد سفر الخديدي]

هلا بك أخوي الحشيشي

واقول لك

سلمت ويا عساك تعيش وتسلم من صقيع البرد = في الامثال قالوا بين المكتوب عنوانه
عتيبي ٍ لفى ربعه ولا ظني يجي له طرد = وانا داري سراة خديد للضيفان ولهانه

[أبو وافي العتيبي]

محمد سفر الخديدي

صح لسانك ولاهنت أبداع وجزالة



الحشيشي


صح لسانك وماقصرت



متابع للأبداع

[محمد سفر الخديدي]

ولا تهون يابو وافي

الله يحيك ويرحم والديك

[البريماني]

كفووو والله ياصبي خديد وونعم مليوون في خديد رجال الشكااله..

متااابع المحرااف..يابني عمي

[محمد سفر الخديدي]

ولا مهونه بك يا ابن العم

حياك الله وبيض الله وجهك

تحياتي

[الحشيشي]

الله الله

استلم




نرا برد الشفا مايثر الا فالمتون الجرد=ونزال المناحي والسراه يعرف هبانه




انا مقلط على لحم الجزور اللي لحمها عرد=ليا شفت المفطح فالصحن قصيت ضلعانه

[محمد سفر الخديدي]

اخوي الغالي

الحشيشي

بيض الله وجهك ورحم الله والديك

ياخوك بلشت في قافية الشطر الأول شحيحيه وياسرع ما شابت

ولا ادري وش رايك اذا ودك نغير القاف والا نلتزم بحرف الدال فقط

الخيره لله ثم لك اخوي

انتظر ردك

[الحشيشي]

محمد الخديدي

وجهك ابيض

الامور كلها تسليه وسوالف واللي تشوفه سوه

تقبل تقديري لك والله يوفق الجميع