الشعراء وحنين الخلوج ... - الهيـــــــــــــلا *** منتدى قبيلة عتيبة

ذيـب طـويـق · 27-Mar-2005, 03:15 PM

السلام عليكم ورحمته الله بركاته :

وبهالموضوع ابي اقدم لكم عن بعض ما قيل في حنين الخلوج

انتم تعرفون ان الابل عندها حساسية قوية مرة تعرف صوت صاحبها وتمييزه من بين الاصوات
بحيث انها لو يغيب مثلا صاحب الابل تحن له الناقه هذا غير لو حنينها على ولدها يكون اشد واكثر

وفيه بعض السوالف اللي الحقيقة الواحد يستغربها للدرجة انه يشك في صحتها وويقولك هذا واحدن اسمه ردهان بن عنقاء الشمري وردهان معروف بالفراسه وكان صديقا للشيخ ظاهر الجرباء من شيوخ شمر الوووكاد ان ظاهر كان عطوفا وطيب تعامله على ذلوله ومع مرور السنين قدر الله على ظاهر وتوفى (دوم الحال من المحال)
والله وياخذونه الرجال ويصلون عليه ويدفنونه وكان ردهان من بين الرجال الي ادفنوا ظاهر
وقالوا الربع لردهان ان الذلول الحين يا ردهان الوكاد انها تبي تحن لظاهر الله يرحمه عاد ردهان بن عنقاء هذا شاعر راح ردهان جهته ذلول ظاهر الجرباء ولقاهن يحنن على ظاهر وهو واقف ردهان يشاهد الموقف هلت منه ابيات واللي فيها يقول :

بالله عليك اكفايـه يـا خلوجـي=لاتفطنين قلوب نـاس مريحيـن
انتي غدا لك حاشي تقـل بوجـي=يسوى الى طب المبيعـه رياليـن
حنا غدا ظاهر وسيـع الفجوجـي=اللي بيتـه يشبعـون المساكيـن
ماياخذ العقبة ولا اريـاه عوجـي=ومن خلقته ما حلف الشمري دين
خريصات فوق الخيل مثل البروجي=على الكمين الغالي الروح مهدين

كذلك الشاعر الكبير محمد بن عبد الله العوني قال قصيدتة المشهوره في الابل وهي :

خلـوج تجـذ القلـب بأتـلا عوالهـا=تكسـر بعبـرات تحطـم اسلالـهـا
تهيـض مفجـوع الضميـر بحسهـا=الى طوحـت حسـه تزايـد هجالهـا
له قلت أنا يا ناق كفـى عـن البكـا=لا تبحثين النفـس عمـا جـرى لهـا
لا تفجعـيـن الـبـال بالله هــودى=ولـى خلـوج خبـث البيـن بالهـا
تبكيـن فرقـا بكـرة شـدة العـرب=ضاعت يميـن البـوش والا شمالهـا
تجيـك يـا نـاق الخطـا أو تجينهـا=وان كان ضاعت لـك بديـل بدالهـا
لكن أنا اليـوم مـا تنعـد مصاوبـى=ولا علتـي تبـرا ولا ينشكـى لهـا
فلو البكـا يـا نـاق عنـى يحلهـا=بكيـت بيـض أيامهـا مـع ليالهـا
ولو البكـا يـا نـاق يرجـع لغايـب=بكيـت ليـن العيـن ييبـس ثمالهـا
وابكى على الا ثنين ما ذعـذع الهـوا=مدى الدهر لين النفس تلحق زوالهـا
وابكى على ما صاب نفسى وما جرى=وابكى على فتخـان الايـدي زلالهـا
وابكـى علـى دار ربينـا بربعـهـا=معلوم خشم الرعـن مـن شمالهـا
ومن شرق طعسين الأرخـم تحدهـا=بين اللوى والسر ما اطيـب سهالهـا
دار بنجـد جـنـة كــان قـبـل ذا=ومن صكته غبر الليلـى عنـا لهـا
وصفه من الخفـرات بيضـا عفيفـه=يفوق كل البيـض باهـر جمـا لهـا
حسودها يغضـى الـى مـر حولهـا=مـن خـوف عيـال تربـوا بجالهـا
حـى امنـا واحلـو مطعـوم درهـا=غدتنـا وربتـنـا وحـنـا عيالـهـا
بزور بنا مـا مثلهـا يكـرم الضنـا=وصول بنـا لكـن نسينـا وصالهـا
تلقى علينا الجـوخ والشـال فوقنـا=وهي عاريه تبكى ولا احد بكـى لهـا
ولا أحد جزع من صيحته يوم سبلـت=ولا أحد نشد من بعد ذواش جرى لهـا
قلـت آه واويـلاه يـا خيبـة الرجـا=كيـف أمنـا تهضـم وحنـا قبالهـا
يا طارش من فـوق سراقـة الوطـا=هميم الى سارت ذعرهـا ظـلا لهـا
حابل ثمان اسنين مـا مـس خلفهـا=ولا بركـت للشيـل جملـة حمالهـا
الـى بدالـي لازم قـلـت شـدهـا=واضبط عن الفزات مقضـب حبالهـا
ولا نعتنـى بالخـرج مـاذي بحزتـه=شل قربـة واجعـل زهابـك عدالهـا
فالى شلت خذلى بالرسن قدر ساعـه=أبلغك فـي دق المسايـل جـلا لهـا
والـى ختمتـه بالـسـلام فحثـهـا=من دار (ابو جابر) سقى الغيث جالهـا
اوصيك يا مرسال بالسيـر والسـرى=واحذرك نـوم الليـل عينـك ينالهـا
الى سرتها عشـر وخمـس مغـرب=مرواحك (الشـام ) منهـا منـا لهـا
والى جيت (سوق العصر ) ياتيك غلمه=تخثـع بزينـات البريسـم انعالـهـا
يقولون لك ياصـاح عطنـا علومـك=بلدان نجـد عقبنـا وش جـرى لهـا
قـل كـل بلـدان القصيـم وغيرهـا=عن الخوف زاموا دون جاله رجالهـا
مير داركم من عقبكم تنـدب الثـرى=تبكى على الماضيـن واعزتـا لهـا
لعبوا بهـا الاجنـاب لا رحـم حيكـم=والبيـض بالبلـدان شتـت لجالـهـا
شيا بكم تضرب علـى غيـر موجـب=من عقب كبر الجاه تنتف سبـا لهـا
أولاد علـى اليـوم ذا وقـت نفعكـم=لا رحم أبو نفـس تتاجـر بمـا لهـا
أولاد علـى ان الليـالـى قصـيـرة=ولا للفتى غيـر الثنـا مـن نوالهـا
أولاد على اليـوم مـا هـوب باكـر=قومو بعـزم الليـث ماضـي فعالهـا
لا تتبعون الهـون والعجـز والعسـى=او ربمـا او ليـت يعتـب سوالـهـا
جود ورجا يا نا س ما هيـب عندكـم=هذيك ما لحقو هل القـول جـا لهـا
وذى قالة مـا ينطحـه كـود نـا در=اولاد على من بكـم قـال انـا لهـا
ترى مركب الاخطار هو مصعد العلـى=ولا يدرك المقصود غير احتمـا لهـا
وترى بالسيوف المال والعـز والبقـا=والجنـه الخضـرا بخضـرة اظلالهـا
قومـو بـراى الله واقضـوا ديونكـم=أنتم هل القـالات مـا أنتـم رذالهـا

كذلك يقول الشاعر الكبير سويلم العلي السهلي رحمه الله :

كني خلوج يوم صفق الرعايـا=تحـن بالمفـلا لمـا روحنـي
على ولدها كيف سـو سوايـا=طبايـع ماظنـتـي يعملـنـي
ساجت وراجت ومالقت له حلايا=وخرشت ونشت والقوايم جثنـي
وتصن مثل اللي يوصي وصايا=تبي لعـل اسموعهـا يسمعنـي

كذلك قال الشيخ تركي بت حميد من قصيدة يرثي بها اخاه منها قوله :

ألا واوجعني من بكرة هيضتنـي=في ليلة الجمعه تزايـد حنينهـا
تجر صليب الصوت مما جرى لها=تجره من الوجلاء وفرقا ضنينها

وقول الشاعر حاضر بن حضير في خلوجه :

خلوج تجاذب صوتها من نهارها=تكسر بصندوق الضماير اعبارها
تفجع فوأد المنفجع من حنينهـا=لاجرت الاصوات تبكي حوارهـا