حاكم الغنامي
سلام الله سلامٍ يشرح الخاطر وانا راعيه = واعرضه مثل عرض الجيش قدام المعازيبي
يقوله من يشرف حاضره ويشرفه ماضيه =وله شرهه على مرزوق مادام انه اعتيبي
مرزوق حمدان العتيبي
هلا بالشاعر اللي جا يسلم يالله تحييه = عدد ماتبتدي شمس الضحى بالكون وتغيبي
ياضايق هات ماعندك ومشروهك عسى تبديه = ترانا ربعك اللي مانقصر فالمواجيبي
حاكم الغنامي
والا ياقايد الهيلا وعامر صرحها بانيه = يجوع الذيب ماياكل ذراعه بالمخاليبي
رضيتوا في كلام الجاهل اللي بالبخس شاريه = يخرب سمعة العتبان من بين الاجانيبي
مرزوق حمدان العتيبي
عسى اللي يفعل المعروف يبقى وافرح بطاريه = يموت الذيب من شح الزمن ماياكل الذيبي
مانرضى الهينه ياصاحبي والمعتدي نعميه = ولايمكن نجامل من يغثرب فالمشاريبي
حاكم الغنامي
تقوله وانت راضي يالعتيبي شيء مانرضيه =وعادت ربعي العتبان تجزي الطيب بالطيبي
تحملنا ولاباقي لنا غير الزعل نبديه= وانا مارضى يابن حمدان تلحقك العذاريبي
مرزوق حمدان العتيبي
هذي وجهة نظرك وكل واحد شوفه يقديه = وانا مانيب وحدي ماسك ٍ كل المقاضيبي
نشير ونستشير وبه رجال ٍ رايها تعطيه = على سلم العرب ياللي تود العلم وتجيبي
حاكم الغنامي
انا خابرك يامرزوق عاقل في زمان التيه = ولا تجحد مواقيف الرجال اهل المناصيبي
عسى منهو كتبها ينهدم بيته على مافيه = وترميه الليالي عند ذباحة تراحيبي
مرزوق حمدان العتيبي
وانا خابرك وافي والوفا طبعك وتمشي فيه = ولا يلحقك في صاحبك لاشكه ولا ريبي
ترى بعض العرب يخطي وشيطانه معه مغويه = ومن بين القرابه مهنته شب المشاهيبي
صحة السنة اهل الابداع
شكرا لكما.......
« آخـــر الـــمـــشـــاركــــات »
12-Oct-2008, 01:31 PM
العرض المتطور
