هذا الطاروق بيني انا والشاعر العلم المخضرم الشطيطي
الطاروق امامكم لا يحتاج الى مقدمات ومهما حصل من اي
تعديات يبقى الاحترام والتقدير سيد الموقف
الشطيطي
سلام ياعتيبه الهيلا نطقهـا الضميـر=اقولها عن هل الوقفات ربعي مطيـر
اهل الفخر والسيوف الحدب واهل القنا=العزوه اللي مـاذاق النـوم حرابهـا
واللي يبا اللعب ياعتيبه يقـرّب هنـا=النـار حيـه وانـا ياقـوم شبابهـا
بحرد جده
يامرحبا يالشطيطي عد مـا طـار طيـر=احسب حسابك ترى وضعك غريب وخطير
يصاحبي والطنـا لا جـات قصـة طنـا=الله يـعـز الــذي قدامـنـا جابـهـا
والضو لا شب شفنا لـه شعـاع وسنـا=ونار الشطيطي ورى ماشيـف مشهابهـا
الشطيطي
دام البقـا يالعضيانـي وليلـك بـدا=واكرب حزامك مادامك داخل المنتدا
انا اشهد انه على نفسه وربعه جنـا=بعض الاوادم مايعرف يحسب حسابها
لا تقول للموت قرّب وانت موتك دنا=يازينها من على علبـاك مضرابهـا
بحر جده
لاوالله الا هوايـن جعلكـم تسلـمـون=مكرب حزامي خصوصٍ قدم حمر العيون
وكان الشطيطي قدر يعلي على روسنـا=ترى الحمامه يطيح الصقـر باسبابهـا
الموت بامر الولي والشكر لـه والثنـا=ومضرابها فيك وانته والله اولـى بهـا
الشطيطي
اتقول لي هيّنه وانته كربت الحزام=اتناقض النفس لاكن ماعلاك الملام
الخوف في قلبك النباض لامن بنا=ادنات حاجه حرام انك تبا تهابهـا
يبقى الولي والاوادم كلهـا للفنـا=وانته نهايتك بأمر الله وانا اسبابها
بحر جده
ياصاحبي لاتخبط فالهـروج انتبـه=كم واحدٍ قبلك ليا جاء نتفت شنبـه
وخصيمنا بالمنام ابشـرك ماهتنـا=ولا خاف من ربعكم لو تفتل اشنابها
والساريه مانبيهـا ياعـرب كلنـا=وكلمتك هذي وشنهو موقع اعرابها
الشطيطي
اتنتف اشناب غيري يمكن انك صدوق=لاكن انا ما انت قادر لوتعزوى بروق
احسن لك تنام يا ابن الناس في ضلنا=بعض السوالف كبيره ويـش تبغابهـا
اتقولها ياالبحر مـن فقـر ولا غنـا=حنا نعرف البيوت ونعرف اصحابهـا
بحر جده
لاواعذابك من العضيـان ياصاحبـي=وحنا لذا الحين ماندري وش اللي تبي
والله والله منـتـه يـاولـد همـنـا=وضلالكم مايضلل وانتـه ادرى بهـا
ياصاحبي وش تبي بالمهزله والخنـا=والاولـه قدمكـم ياقـوم فزنابـهـا
الشطيطي
ان كان مانته بعارف يالبحر وش نبا=هاذي تراها بسلم مطير يعني غبـا
وانتم لكم سلم لاكـن مايباعـد لنـا=يعني على ضهره الحمله و زوزابها
والمهزله ماتجيكم يا بـدو صوبنـا=حنا ذراها من العـدوان وحجابهـا
بحر جده
العلم وجهه ترى ماهوب مثل الذنـب=وانته كما اللي على ظهره تشال القرب
اسلومكـم تاكلـون البيـض ياربعنـا=وترى الغداري ولـد عبـاد حطابهـا
يبني ويهدم وتـال رحلتـه وش بنـا=والملعبه بنت وانـا صـرت خطابهـا
الشطيطي
يا بحر جده ليا من روّحت بك حدر=ابرتفع فوق وانا رجل عندي قـدر
وان كان قسمتها والبيض من قسمنا=قسمك عصاها واضن انك تترضابها
كلمتك هاذي سرت ياللي تعذرب بنا=خل الكحيله وانا لاهنـت ركابهـا
بحر جده
الله يهبيك منته من عزاز النفوس=وانا عطيتك يابن عباد جملة دروس
اكلتها يالشطيطـي جعلهـا بالهنـا=العام واليـوم فيكـم ذاب مخلابهـا
انته تمنى وانا بحقـق لـك المنـا=اقلط وخيمتك ابا دق لك منسابهـا
الشطيطي
انته تهبينا وانتـه مالقيـت البـلا=لاكن لامن لقيته ثم عطيت الخـلا
رح علّم عتيبه الهيلا وقل عنّنـا=افعولنا كم وكم فالنـاس هذرابهـا
ومنسابك اللي تماريبه علاك انثنا=اشرب من الدله الصفرا يا صبابها
بحر جده
علومك اكبار لكن ووين ووين الفعول=الحكي واجد ولا شفنا ياهيه محصول
لياضميت ارد واشرب كاس من سمنا=وفعولكـم هينـه مـازول يشقابهـا
ومنسابنا جابله من بنت عمك ضنـا=ودلتك تعرف من امس العصر شرابها
« آخـــر الـــمـــشـــاركــــات »
07-Oct-2008, 09:14 AM
الشطيطي:: وبحر جده؛؛؛والخطوط الحمراء....في لقاء ساخن!!!!!!!
العرض العادي
