ياحافر النار بالمجراف....بطي الغربي

[المزنكي]

هذي قصيده لشاعر بطي الغربي اللتي ينسبها بعض المنتديات لبن شايق


ياحافـر النـار بالمجـراف......مقيـاس حفرتـك متـعـدي
حفرك كبر حفـرة النسـاف......في قاعـه الطعـس ممتـدي
وانا كما قيل هـاف هـاف......يعني امـوري علـى قـدي
لاعرف بطاقه ولا صـراف......وفالبنـك لاخــذ ولا اودي
تشوفنـي ماعلـي لـحـاف........والليلـه الـبـر مشـتـدي
اجحف علي الزمان اجحـاف......ابيه معـي ووقـف ضـدي
حتى غـدن العظـام نحـاف.......ودنيا الشقاء بيحـت سـدي
شيبت منها وشـاب القـاف........وتخالـط الهـزل والجـدي
ولااني ابدي على المشـراف.......ساعاتً اصـل بهـا حـدي
لتشوف عقلي عليه اخـلاف.......ومجـرى التنفـس لينسـدي
يابو علـي ولـع الكشـاف.........ودك تهيجـن وانــا ودي
مادام كـل القلـوب نظـاف.........تمـر الازمـات وتـعـدي
يالله يامـومـن الخـيـاف..........فضايلـك مالـهـا عــدي
تـروف بالحـال يـارواف.........كـان انـه اليـوم متـردي
علي دين دين وعلي اسـلاف.......واكيـل بالصـاع والمـدي
وزاد العنا قلبـي الميـلاف.........لاشـاف مياسـه الـقـدي
يرجف مابين الضلوع رجاف.......ينزل مع الصـدر ويعـدي
نشرح عن الحـال للعـراف........واللي ضمي يـارد العـدي
وصلوا عددمن سعى واطاف........على الرسول وهـذا حـدي

[محمد العتيبي]

مااعرف بطاقه ولا صراف = وفالبنك لااخذ ولا اودي
تشوفني ماعلي لحاف = والليله البرد مشتدي .

ياسلام ياسلام

صح لسان الشاعر / بطي الغربي

على هذه الرائعه ..

وتسلم يداك يالمزنكي

التوقيع

للتواصل عبر twitter تويتر al_bargawy@

[عبدالرحمن الهيلوم]

ياسلام ياسلام

صح لسان الشاعر / بطي الغربي

على هذه الرائعه ..

وتسلم يداك يالمزنكي

[علي أبوثنتين]

لا يا حبيبي القصيده لابن شايق علمن موثق ما يبا شهود

[أبن ناسي]

شكرا على الطرح يا المزنكي


اما انت يبو ثنين

والله محد يدري عن العلم

الا المزنكي

ونرجو منه الرد

والاثباااات

تحياتي
لكم
أبن نــاســــي

[شداد المري]

بيض الله وجهك على الايراد ..