صوت وصدى

[الحنتوشي ساجر]

صوت بدر بن محمد الحنتوسي

يالي تنشد كيف حالك و الاحوال = عيني تهل الدمع واحرق جفوني
اتعبت رجلي في طلوعٍ ومحوال= انشد عن الي بالشدايد نسوني
يا كثرهم وقت الرخاء بس يا خال= لا شدة الدنيا مشوا واتركوني
خاويت بالشدة هموماً وغربال= ولا قفا شديد الوقت جو واحضنوني
ودي انها جتني من الناس الانذال = ولا من قريباً محتسيه بضنوني
كنيتها ودمعي على الخد همال= زاد الوجع والي تزيده طعوني
يقوله الي ينجد البيد رحال=ينشد من الي لا دبرة مانسوني
لامنها صكت عظيمات الاهوال =اشرب ومن دم العدو يشربوني
يفدون من قلط على ناره دلال=وربعه لجمع المال مايحسبوني
ساقو لذيذ البن في وسط فنجال =وعادتهم للضيف هم يكرموني
رجل ٍ ولد رجلٍ ومن نسل رجال= وللطيب دايم عادةٍ يكسبوني
بيته لعكفان الاشانيب مدهال=واليا رجعت للطيب هم درسوني
يوم البحر يرمي بغيري على الجال=عمت البحر كله واردد الحوني
حلفت لون الزمن بينا طال=لفزع لحالي منتظر ساعدوني]

صدى الحنتوشي ساجر

عطنا القدوع ألي طلبنا وفنجال = واخلوا لي الغرفة وروحوا واجوني
ياحي من يرسل و ياحي مرسال= إلي على الجوال هم راسلوني
هذاك رقمه يشرح الصدر والبال= مرسالهم دايم يحرك شجوني
ابناخي ويرسل على طول للخال = والخال لبناخية ابٍ حنوني
ان كان يابناخي جريت موال=وبدعت لحنٍ فارقٍ فالحوني
ابشر برده حاضراً تو بالحال = عطني ثواني بس تحضر جنوني
بكتب لك امثال من الشعر تختال= وتقول شاعرنا قديم الفنوني
ابشر بعزك كانها بأشهب اللال= ان كان تبغاها بضرب الطعوني
الي من الاقصين بنحط له فال = الشر فاله لومن هو يكوني
حرام لشفي منه صدرك والأغلال= وانه ليبطي ما يجيلك ضعوني
وان كانهم ناسٍ قريبين الأنذال = هذي هي اكبر مشكلة في ظنوني
وشلون تا تعلن لهم حرب واقتال = بتصير راعي حق وانت مغبوني
لكن عليها حط بيبان واقفال= وادمح خطى ربعك ولوهم زنوني
اليا دمحت لهم خطى فأنت مفضال= لابد من يومٍ يجي يندموني
خلك على خبري تحمل وتشتال= تشيل حمل الي عنه يعجزوني
واصبر على ربعك ولو الزمن طال= لاتخلي الاقصين بك يشمتوني
ولا تستمع في هرج نقالة القال= الي عليك بثانية يقلبوني
وختامها صلوا على خير مرسال= رسول ربي للبشر والجنوني

.

..
...

[عبدالرحمن الهيلوم]

صح السااااااااااااااااااااااااانك

[عبدالله الجـــذع]

الله..

قصيدتان تحملان الكثير من الحكم والمواعظ
ولايخلو كلاً منهما من الجمال والروعه

صحت السن الشعراء

ووننتظر الجديد

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[هلال الحليفي]

صح لسانك وعساك على القوه
مشكووووووووور

[أبو نجر النفيعي]

..

صوت وصدى رائعه جداً ..

صح لسان بدر الحنتوشي .. وصح لسانك يا حنتوشي ساجر ..

مبدعين ..



أخوك

التوقيع

.....

[هادي الصماح]

يوم البحر يرمي بغيري على الجال = عمت البحر كله وردد الحونيي









يــــــــــــــعــــــــــطيك العافيه قصيدتان ولااروع

[الحنتوشي ساجر]

عبدالرحمن الهيلوم

عبدالله الجـــذع

أبو نجر النفيعي

هلال الحليفي

هادي الصماح


صحت ابدان الجميع

ومروركم تشريف للقصيده وصاحبها
..
.
.

[ابو فايح]

صح لسانك قصيديتين جميله جدا