الليله انته يالزلامي تقل مختل الشعور=بشتك على شان ايش بالدرب الطويل تجرها

[نايف الجهني]

السلام عليكم ورحمة الله وبركاته..

هذة المحاورة العملاقه الزاخره بالمعاني الرائعه
جرت بين الشاعرين رشيد الزلامي العتيبي ورشيد العلوني الجهني في محافظة املج
عام 1425هـ

في حفله الحمدي بقصر لازاء وردة باملج

وإليكم ابياتها التي لا تخلوا من الابداع الساحر



يقول الزلامي:

سلام ياهل الديرة اللى حرها يشوي الطيور=الله يجيها بالمطر حتي يبرد حرها
كانت مفالي للضباء قبل المزارع والقصور=الله يجيها بالمطر حتى يبرد حرها


رد العلوني:


يامرحبا ترحيب مثل السيف في وسط النحور=الله يعينك تحتمل حلو الليال ومرها
هذي مداهل قوم حمرا تحتسي كل الامور=تاريخ اهلها تعرفه قر الحقيقه قرها



يقول الزلامي:

دام البقا للشاعر اللى ما يلف و لا يدور=لكن ينظرلي بعين وعين قام يصرها
مدري رشيد العلوني والا ولد عمه سرور=مير انتبه للبذله اللى فوق متنك زرها


رد العلوني:


الليله انته يالزلامي تقل مختل الشعور=بشتك على شان ايش بالدرب الطويل تجرها
انا رشيد العلوني والبيت ثابت ومعمور=والعارفه يدرا على دعواه قبل يضرها


يقول الزلامي:

يا العلوني والله مابذبحك وجهينه حضور=لكن خلك مثل ناس في الطريق نمرها
شاعر جهينه حاضرً بالملعبه وانت معذور=والا احترم نفسك ترى الديره وسيع ٍ برها


رد العلوني:

الخوف لايذبحك وانته صقر مابين الصقور=شاعر عتيبه بالمحافل يا جهينه غرها
انا افتخر بالشاعر اللى قلت وبوجوده فخور=كم ليله جروحك على عيون الرجال يذرها



يقول الزلامي:

تقولها والله يعين اللى على الغلطه صبور=ماهو بمثل اللى يدور له ملف او فرها
يا العلوني نبغى كلام ماتضيق به الصدور=قدمك رجاجيل اتهوش وهوشها ماسرها


رد العلوني:

ماباقي الا تدفنون الحي في جوف القبور=والعالم اللى تعمل المعروف لله درها
انت على مكتبك والماسه محملها الزهور=تاكل شواكل والعرب حول القدور اتكرها

[المورقي 700]

مشكور وماقصرت

[نايف الجهني]

المورقي حياك الله وشكرا على مرورك


تحياتي

[قادح شرار]

نايف الجهني .

بارك الله فيك , ومشكوووووور على نقل المحاورة التي نقول أنها إبداع في إبداع .

تحياتي لك .

[/عبد العزيز الجذع/]

يا سلام.


صحت السنتهم.

ومشكووووور على النقل.

[نايف الجهني]

قادح شرار الف شكر على المرور


تحياتي

[الرتوعي]

يا العلوني والله مابذبحك وجهينه حضور=لكن خلك مثل ناس في الطريق نمرها

هههههههههههههههههههههههههـ

يا سلام عليهم

[متعب خالد العضياني]

ايه هذي المحاورات اللي فعلا تسمى محاااااااااوره مشكور على النقل ولا تنسانا من هذه المحاورات الرائعه

[ابن نميان]

فتل ونقض ..

حفر (و) دفن...

مد (و) جزر




وش خليت ...

من أمتع ماسمعت هكذا وإلا ســلامٌ على المحاورة

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]