الســعيــدي >>> لولا حشمة الهذلان .

[قادح شرار]

السعيدي ليا جيته يعوّد وراه = قبل نزعل على الهذلان يا الأجودي
إن ذكر ربه الليلة وصلى الصلاه = يسلم الموت الأقشر قبل ما ينحدي

[فواز السعيدي]

السعيدي حشيم ولايضر حدداه ==== البلا منك يانجم السما يالجدي


واقفه للهبايب ياجبال السراه ==== السوالف سوالف والبساط احمدي

[فواز السعيدي]

والله يالربع اني مدري ليش انحذف الموضوع اللي قبل شوي؟


الدعوة محاورة وعلوم رجال


لكن ليت اللي حذف الموضوع يقول لي لو على الخاص وش السبب؟

[قادح شرار]

أستأذن لأداء الصلاة وراجع بعد الصلاة إن شاء الله .

السعيدي يدوّر شر عند زملاه = مير جاه السحاب اللي يرش بردي
من يدور قشر .. نزعل ونلعن ثواه = ليت يفهم كلامي...يفهم المقصدي

[فواز السعيدي]

ياعتيبة هذالرجال وشهو بلاه؟؟ ==== كل ماجيت اباهاديه مايهتدي


العلوم الرّخيصة وقعها فالصفاه ==== النّقا للسنافي والردا للردي

[مستشار القبيلة]

صح لسانكم يالشعراء

مبدعييين

[قادح شرار]

السعيدي ينادي من يلبي نداه = يا عتيبه عشاكم جاهز ٍ في يدي
من دخل وسط سوق البيع ياخذ جزاه = جاه قسمه وهاذي رد للمعتدي

[قادح شرار]

حيا الله مستشار القبيلة .

صح بدنك , ومشكوووور على مرورك يالطيب .

[فواز السعيدي]

انت وش جاك منّي يالشويعر هذاه ==== اشردي يالمجنّن عن شهار اشردي



وارد العدّ واشرب وارتوي غزر ماه ==== اشهدي ياعتيبة لا وردت اشهدي

[قادح شرار]

صح لسانك يا فواز , نكتفي بهذا القدر .

النعاس قام يغلبني عشان ما أخذنا قيلولة حزة الظُهر .

الجايات أكثر إن شاء الله .