|
02-Jul-2008, 12:34 PM | رقم المشاركة : 1 | |||
|
حمود واخته
بسم الله الرحمن الرحيم اود ان انقل لكم هذه القصيده بين حمود واخته التي كما يقال انها ارسلت له رسائل و ماتت ولم تراه اترككم مع القصيده يقول حمود : جتني رسالة من صدى خافق الروح وقريتها بإحساس قلبـي وروحـي قريتها وانهدّت قصـور وصـروح وأنا من أول عالياتـن صروحـي تشكي تقول القلب يا حمود مجروح ا تدري انـي غايراتـن جروحـي تهلّ دمع وترفع الصـوت بالنـوح واللـي فقـد غاليـه لازم ينوحـي ما كلّمتني يمكن الصـوت مبحـوح من النوح وإلا ما استطاعت تبوحي جتني رسالتها بها دموع وجـروح وانهَد باسباب الرسالـة طموحـي تقول ياحمود الزمن صار مفضـوح والشيب فيني لو تشوفـه يلوحـي يا بو علي مالي بالأغراب مصلوح مادام قلب اللـي نحبـه شحوحـي ودّي بشوفك دام الأعمار بفسـوح قبل الرحم يا خوي منـا يروحـي زلّ الزمان اللي به أفراح ومـزوح أنخـاك تكفـى لا تظنّـه مزوحـي وبعد الرسالة صار بالقلب ذابـوح طار المنام وصار فكـري يشوحـي أختي رسالتها لها القلـب مفتـوح كلّي لها والقلب ينصـت ويوحـي أقولها ودموع عينـي لهـا فـوح وسط المحاجر دمع عيني يفوحـي أجاوب الورقا على عالـي الـدّوح وأنوح من فرقا الرفيق السموحـي والله لو إني وسط الأطباق مذبـوح لأظهر كما خطو الحصان الجموحي وأقول يا عين المها ما بها شروح لو تطلبين الروح تفـداك روحـي ان شاء الله تنال رضاكم,,,,, |
|||
|
|
02-Jul-2008, 12:41 PM | رقم المشاركة : 2 | |||
|
لاهنــــت يالعصيمي على النقل .. قصيدة جميــــلة .. والاخو غالي الله يعطيك العافية |
|||
|
|
02-Jul-2008, 04:52 PM | رقم المشاركة : 5 | |||||
|
الله..
قصيده حزينه جدا ومؤثره الف شكر لك على النقل المميز يالغالي محبك .,
|
|||||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|