ابن سهاج
سلام ياربعي عتيبه ياهل المجد التليد=أقدّمه لو طوّل غيابي وعذري يسبقه
هذا تمام الحول يامرزوق وش عندك جديد=دارت سنه بأحداثها ومجمّعه ومفرّقه
مرزوق حمدان العتيبي
يامرحبا ترحيبة ٍ ذربه وشوفك يوم عيد = الله يلم الشمل ويكافيك شر التفرقه
هذا سنه وانت متغيب ياعسى حظك سعيد = وانا بخير وكل باب ٍ للمعرفه نطرقه
ابن سهاج
فيك البقا والله يعز الراس والسيف الحديد=اللي حضوره يفجع الفارس ويرمي بندقه
أغيب وأحضر في لزومي من قريب ومن بعيد=واليا هبطت السوق أعزه يالعتيبي وأفرقه
مرزوق حمدان العتيبي
مابه عليكم زود يا اهل الجود والمجدالفريد= يالفارس اللي تنطح الفارس نطح ماتدرقه
اكرب حزامك جيت امامك يالعلك تستفيد = وانا ادري انك كل كايد يالعتيبي تعشقه
ابن سهاج
السيف مدري لبو طالب علي وألا ابن الوليد=لوّ الثنينه من قريش وكل علم ٍ تِلحقه
الليل لعيونك يابو حمدان صفرّت الرصيد=واللي تفيد به الرفيق إن شئت سجّله صدقه
مرزوق حمدان العتيبي
السيف بيدين الرجال اللي يعكمون العنيد = واظن مابه مشكله فثنين نفس المنطقه
ان كان صفرت الرصيد اتعب على القول السديد = انته تقوله من دوافع شك ولاّ من ثقه ؟
« آخـــر الـــمـــشـــاركــــات »
21-Jun-2008, 09:13 PM
العرض العادي
