ســــلـــطان الجــــذع , شاعر خبيـــر ٍ بالسياســـه .

[سلطان الجـذع]

انت لو انك تسوي لك على الواقع دراسه =مابه بعيرٍ تشوفه غير وسمي فوق خده
مير فيها لاتحّكم خل للتحكيم ناااسه =لاتلبس ياطويل العمر ثوبٍ ماانته قده

[قادح شرار]

ما عليك خلاف شاعر لا لقاله داب داسه = مير لا جاك الشتاء نخشى عليك يجيك برده
مير لا حان الوعد بحرسك من يمه حراسه = والبحر لا فاض لو يلقى جدر يمكن يهده

[معجب العتيبي]

قادح شرار

بدايه اكثر من رائعه

صح لسانك


والاسطوره فيه الشهاده مجروحه

صح لسانك ياسلطان


متابع

التوقيع

[قادح شرار]

المشاركة الأصلية كتبت بواسطة السبيــــعي

منوره فيك وبالطيبين شرواك يابعــــدي..
أثاريها أنااااسه عندكم ياربع المحاورة ..

\

شرواااك الطيب يا ذيب الغلباء , ألا أنت أبو من ؟؟؟

شارك معنا في قسم المحاورة حيث المتعة والفائدة .

[قادح شرار]

المشاركة الأصلية كتبت بواسطة معجب العتيبي

قادح شرار

بدايه اكثر من رائعه

صح لسانك


والاسطوره فيه الشهاده مجروحه

صح لسانك ياسلطان


متابع

حيا الله أبو سلطان .

تراني مشتاق لشوفتك, إلك فترة ما شفتك بمواضيعي . بشرني كيف اليد ؟

صح بدنك يا ذيب المغايرة .

ومشكوووووور على مرورك طال عمرك .

[سلطان الجـذع]

الغشيم اللي يبي يغرف بحر جده بطاسه = ((ماله الا سيف ابو طالب على حلقه نحده ))
انت لو تبغى تقيس العلم ماتعرف قياسه = إربحوك اهل المسامه وخسروك اهل الاشده

قادح شرار ...صح لسانك والختام من عندك والى لقاء قادم
بمشيئة الله

[السبيــــعي]

المشاركة الأصلية كتبت بواسطة قادح شرار

شرواااك الطيب يا ذيب الغلباء , ألا أنت أبو من ؟؟؟

شارك معنا في قسم المحاورة حيث المتعة والفائدة .

معــك ابونـــوره
ليتني شاعر يا قادح
كان والله محد يفكك مني

انتوا فيكم الخير والبركة شعااار والنعم والله
اعجبتني
(حيث المتعه والفائدة ) ههههه

آخر تعديل السبيــــعي يوم 14-Jun-2008 في 01:20 AM.

[سعود العصيمي]

شايب ٍ غاص البحر يا لين غرّق له لباسـه
سلّمه ربي من الموت المحقـق يـوم حـده
مير بعض الناس لا حس الخطر يومي بفاسه
يرتقب للموت من كل النواحي ..وإله مـده



الله الله

ياقادح شرار

مبدع صح لساااانك مليووووون



انت لو انك تسوي لك على الواقع دراسه
مابه بعيرٍ تشوفه غير وسمي فوق خده
مير فيها لاتحّكم خـل للتحكيـم ناااسـه
لاتلبس ياطويل العمر ثوبٍ ماانتـه قـده


مير فيها لاتحّكم خـل للتحكيـم ناااسـه
لاتلبس ياطويل العمر ثوبٍ ماانتـه قـده


مير فيها لاتحّكم خـل للتحكيـم ناااسـه
لاتلبس ياطويل العمر ثوبٍ ماانتـه قـده



هههههههه




الاسطوووورة

صح لساااااانك ملالالايين


مبدع ولافيك حيلة


صح لسااااانك واعتلا شأنك


ياصديقي العزيز

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[قادح شرار]

الغشيم اللي يبا يــِدخل جمل في وسط كاسه = ليته يوسّد براسه يا عرب فوق المخده
تحسب إنا مثل من ذاق العشا بعدين حاسه = والخطر مقبل مع الأيام وأحسب له وعده

صح بدنك يا الأسطـــــوره , وتشرفت باللعب معك .

تصبح على خيــــــر .

[قادح شرار]

المشاركة الأصلية كتبت بواسطة السبيــــعي

معــك ابونـــوره
ليتني شاعر يا قادح
كان والله محد يفكك مني

انتوا فيكم الخير والبركة شعااار والنعم والله
اعجبتني
(حيث المتعه والفائدة ) ههههه

الله يحفظ لك نورة يا أبو نورة .

الحمدلله إنك منت شاعر , هذه وأنت منت شاعر يا الله أتخارج منك , يا كثر المصايب اللي ترميها علي ّ . , ههههههههه .

ما عليك زوووود يا ذيب الغلباء .


أشكرك جزيل الشكر على متابعتك التي تضفي جمال على الموضوع .

لا خلا ولا عدم .