معجب العتيبي
سلام الله على اللي حطله فالمنتدى عنوان=خليفة مطلق اسمه مدري اسمه مطلق الثاني
ولا ياصاحبي يوم الكريم الله عطاك لسان=ورا ماتنفرد بسمك وتضرب كل ميداني
خليفة مطلق
تراحيب المطر يامرحبا بمعزب الضيفان=وانا في هذي الاسمين دورني وتلقاني
وانا لو اضرب الميدان ماحصلت لي فرسان=هذا المانع وهذا الشي عن ماقلت يحداني
معجب العتيبي
يدوم الك البقا مابين ربعك ياعزيز الشان=وانا مابيك بين اثنين ابيك تصير وحداني
تجيب المخطيه وتعيدها ياصاحبي يافلان=ترا من ينقص اخصامه ياراع العرف غلطاني
خليفة مطلق
مافيها عيب لو انا ورثنا خزنة الاخوان=مدام ان إمهم ماعقبت غيره كحيلاني
تخطّيني وانا ماقلت غير الصدق مع سلطان=ولو غاضك كلامي فعل كفي خير برهاني
معجب العتيبي
تقول وانت ماراجعت حكم الله على ميزان=ولا مريتلك قاضي مثل ذاك العضياني
كفو ياصاحبي والناس ماقالت هذا غلطان=لكن زين صلاتك واستعذ من كل شيطاني
خليفة مطلق
موازين العداله عند اهلها يااشقر الجنحان=حرام تحط لي قاضي صبي في سن ورعاني
صلاتي للكريم ولاعبدنا غيره الرحمن=وفي كفي عصى موسى على خاتم سليماني
معجب العتيبي
لامن الله عطا المسلم من الاخلاق والتبيان=يقدم لو يجيله في طريقه جيش حسداني
يقولون انكب فرعون يوم انه تبع هامان=وانا اقول الصديق يناصح القاصي مع الداني
خليفة مطلق
انا اخلاقي تجاريه ليا غنيت بالقيفان=وممتازه ليا مني هرجت بغير الالحاني
وانا كيف انصح اللي سار خلف ملهّي الرعيان= احسب انه معي واثره موالي عند نصراني
معجب العتيبي
يضنون الصياح اللي على العالم عليهم كان=وانا مدري ورا البندق رمت من غير نيشاني
مدام انه رضا يصبح شريك لصاحبه خيبان=يبا يعرف وكل الناس تعرف كل خيباني
خليفة مطلق
ماحد ياخذ بتقرير العمى ياسيد العميان=تصيبه رمية الرمّاي والشبّاب عمّاني
لاتخطي فوق ربعك لاجل كرسي عمك السلطان=ترى هذي صفه في كل متخاذل و جاباني
معجب العتيبي
صحيح اللي شرب دخان قالوا مدمن الدخان=ولو بطّل يعوّد يطلب الدكان دخاني
انا ماخطيت فوقك وانت من نفسك ترا زعلان=انا ماخطيت دربي يوم جيتك وانت زعلاني
خليفة مطلق
حكيم اثرك لكنك تجلب الممنوع في الدكان=وحطّوك العرب عامل هنا والشغل مجاني
زعلنا يزعل الاخوان والشجعان والصدقان=لكن استغرب القول الردي من ذخر جداني!!
معجب العتيبي
مدامك صرت سلعه تنقفل من بعدك البيبان=يخلف الله على مطلق ولو ان الزمن فاني
ماترضونه على انفسكم.. تحبونه على العربان=عسى الله ما يواخذكم ولا بالذنب يبلاني
خليفة مطلق
يابو بيبان ياليتك تقوم ترقع الجدران=تراها صايره مرتع لبنقالي وجيزاني
وش اللي جاك منا غير فعل الطيب والاحسان=مصيبه تستمع في هرج عدوانك وعدواني
معجب العتيبي
الا ياصاحبي ماتجهل الايمان والاحسان=ولابه فرق بين الناس غير بزود الايماني
انا ماقول فيك الا نعم واحد من العتبان=لكنَ عتاب ناسٍ في سنام المجد عتباني
« آخـــر الـــمـــشـــاركــــات »
13-Jun-2008, 10:42 PM
العرض العادي
