أقرب...جاي..يابو وافي العتيبي.

[احمد الزايدي]

والنعم يا الاجودي فيك الرجاله والمروفه= والجمل سمحان شال الحمل هو ببسط وسيله
راعي البشت الحساوي تاجربشته يحوفه=يشتري ويبيع وبشوته ترى ماهي قليله

[أبو وافي العتيبي]

صاحبي يبطي برده ياحسوفه ياحسوفه = نصف ساعة ياجماعة قاعدين ونحتريله
موترك لازم تشوفه موترك كلٍ يطوفه = موترك وشوه ياطيب موترك غير مديله

[أبو وافي العتيبي]

أحمد

أعذرني مشغول


لنا لقاء أخر


تحياتي

[معجب العتيبي]

احمد الزايدي

السعد فال الكريم اللي يرحب في ضيوفه=دايم وجهه بشوش ومدته مده جزيله
والبخيل الله يهوله يذكرونه باالحسوفه=مايكرم من الفاه ودايم أيدينه بخيله

أبو وافي العتيبي

السعد فال الكريم وكل علمٍ من حروفه = من مشي درب الوفاء والطيب مادور بديله
والبخيل أن شب ناره تعجز العالم تشوفه = مار شب النار شب النار في خشم الفتيله

احمد الزايدي

يابو وافي فاالشعر والمعرفه مابه كلوفه=والجمل سمحان يارجال حمله يرتكيله
أبشر بسعدك بشب النار والخيل معسوفه=والطريق اللي تباه أنا معك وانا الدليله

أبو وافي العتيبي

أهرج أهرج يابن حامد والرياجيل معروفه = والجمل سمحان يرغي والحمل لازم يشيله
راعي البشت الحساوي مايغطي له كتوفه = كل علم ٍ له شهود وكل دربٍ نحتزيله

احمد الزايدي

والنعم يا الاجودي فيك الرجاله والمروفه= والجمل سمحان شال الحمل هو ببسط وسيله
راعي البشت الحساوي تاجربشته يحوفه=يشتري ويبيع وبشوته ترى ماهي قليله

أبو وافي العتيبي

صاحبي يبطي برده ياحسوفه ياحسوفه = نصف ساعة ياجماعة قاعدين ونحتريله
موترك لازم تشوفه موترك كلٍ يطوفه = موترك وشوه ياطيب موترك غير مديله

التوقيع