عبدالله الحربي
يابن ملحق لو سمحت العازمي كبه شويه=عنده اخبار كثار وعنده علوم جديده
خلقت الله ما جعلت عندي سوالف نرجسيه =اشعم النيران وأطق الحديده بالحديده
العازمي
جيت يمّك وابن ملحق خصمي اللي ماش زيه = ياعسا الحربي على الهقوه وياربي تزيده
دام عقلك مثل عقلي قدمك الطرقه مديه = شعلة النيران لاحرقتك ترى مانت ابفقيده
عبدالله الحربي
يابن عازم لا تصير بتالي الدنيا ضحيه =كنك المتنبي اللي مات والسبه قصيده
الجبل ثابت محله من عصور الجاهليه =والهبايب والكوارث طيرت بركة زبيده
العازمي
بعض من يلعب معي سوات سبحه في يديه = ماتصدّق ؟ لو اقول العب واناظر فالجريده
الجبل راح وبقي في موقعه مقلع طميه = والعيون العور ماسدت عن العين الفريده
عبدالله الحربي
بعد راح الراعي اللي خطط لمسك الرعيه=يستر الله لا يكون موصي ن فيها وليده
ما لعب بالآدمي غير الهموم الداخليه = والله المعبود ما غيره كفل عيشة عبيده
العازمي
راح راع الكور مار الكور في ظهر المطيه = ماصطغا قبله وعقبه حافضه راع العقيده
لو بدتلك داخليه فيه بلوى خارجيه = تزرع الاوهام والتشكيك بعقولٍ بليده
عبدالله الحربي
في بداية شهر واحد من بعد عيد الضحيه =عيدوا والكل يحضر لابس ثياب جديده
ودنا بالأوله والثانيه ذنب وخطيه=والهقاوي ضيعت راع السوالف والمكيده
العازمي
كن ودك ياعميل الخير تصنعلك قضيه = ماتضيق الارض والاريا من العاقل سديده
اليدين القاصره في مدّها دايم رديه = ارتفع للطيبين وخل مدّاتٍ زهيده
عبدالله الحربي
والله اني ما شي ن حسب النظام ولا عليه =لا وخذ ليه حقوق ولا طمعت بكل صيده
وانت نوب اقول لك وش ها الصتيمه والبليه =مار نوب تاخذ مهايط بني قحطان سيده
العازمي
ماجلسنا شرع لاجل الدين تقسمبه كذيه = خابرين البنك يارجّال مسحوبٍ رصيده
لاتذم اصحيبنا اللي كان في نجد العذيه = وانت لاهاذي ولاذيه ولا اعدّك شريده
« آخـــر الـــمـــشـــاركــــات »
09-Jun-2008, 11:06 AM
العرض الشجري