يابن ملحق لو سمحت العازمي كبه شويه=عنده اخبار كثار وعنده علوم جديده
خلقت الله ما جعلت عندي سوالف نرجسيه =اشعم النيران وأطق الحديده بالحديده

جيت يمّك وابن ملحق خصمي اللي ماش زيه = ياعسا الحربي على الهقوه وياربي تزيده
دام عقلك مثل عقلي قدمك الطرقه مديه = شعلة النيران لاحرقتك ترى مانت ابفقيده

يابن عازم لا تصير بتالي الدنيا ضحيه =كنك المتنبي اللي مات والسبه قصيده
الجبل ثابت محله من عصور الجاهليه =والهبايب والكوارث طيرت بركة زبيده

بعض من يلعب معي سوات سبحه في يديه = ماتصدّق ؟ لو اقول العب واناظر فالجريده
الجبل راح وبقي في موقعه مقلع طميه = والعيون العور ماسدت عن العين الفريده

بعد راح الراعي اللي خطط لمسك الرعيه=يستر الله لا يكون موصي ن فيها وليده
ما لعب بالآدمي غير الهموم الداخليه = والله المعبود ما غيره كفل عيشة عبيده