ألفاظ تشتهر عند العتبان"شارك معنا"

[الراعي النميري]

السلام عليكم ورحمة الله فيه ياعيال عمي
كلمة فشور : بمعنى مغرور أو يتظاهر بالغرور

[إبن مفلح]

وسجل عندك ...

زعيتره = اتحدااااااااااااك .

اقمح ياقامح = المفلس من الشيء .

ياهن = يافلاااااااااان .



تحياتي

[وصل العطياني؟؟؟]

يبــزّ فيّـه أو يترّ فيـّة = تقريباً مثل يوم نقول الحين يطير فيني ...
المعدّى والمميل = الطلوع والنزول...
السّْبلا ( بتشديد السين الساكنة وسكون الباء ) = اللحية
إزقــله = إرمــِــه أو احذفه مثل يوم تقول إرم علي المفتاح
المرطوس = من هالنوعية: اللي تقول له سوق القهوة ويكفاها على الرياجيل ههههه
ينشد = يسأل
الطرامي = هذا الأسود غامق

الهـَيَم القرقور = هذا الكذوب الربادي ههههههه


والقادم أحلا وأحلا



تحياااااااتي

التوقيع

na111na@hotmail.com

[tariq320]

تلغفك لغفة منه يالغثير = للتذمر من فعل شخص ما
وقداناجيبي قداة= ياويلي ويلاة
واقر جيبي قراة= ياويلي ويلاة
يالطتي لطتاة = ياويلي ويلاة
دغام=الشخص الشديد السمرة
لارحنبوا يالوجهة وجه وجهة=??????????????????????

[نايف الطير]

يازقنه من ماضوع...

تسمحون إلنا بالمشاركة؟؟

نبدأ على بركة الله واعذروني إذا كان هناك أي تكرار لمشاركات الأخوة لأن الوقت لايسعفني لقراءة كل المشاركات السابقة ....

(1) لاه = أداة الاستفهام المشهورة ( لماذا)؟

(2) مايطعم العلم = لايفهم ولايستوعب مايرد إليه من ملاحظات

(3) الحِجّان = الحواجب

(4) وش أمر الله علاك = ماذا دهاك؟

(5) يدغم = يصبغ

(6) الشوشة المصلبخة = الشعر المتسخ

(7) اقعد يامال القعدود = أمر عاجل بالجلوس عند النرفزة

(8) وش حلّ علاك = ويحك ماذا أصابك

(9) الشنقيط والقرفطة = البنطال وربطة العنق

(10) العلابي = منطقة تقع في مؤخرة الرقبة وتشتهر بكثرة كيهّا

(11) العراقي = الشخص ضخم الجثة

(12) الشمحوطة = المرأة فارعة الطول

(13) افهق وراك = تراجع للخلف

(14) المواهة = لفظ يطلق لتدليل مياه الشرب

(15) ياكل سبده = يقهره

(16) شروب = الدواء السائل

(17) بربور= الشخص الثرثار

ونختتم معكم بالكلمة الشهيرة ....

....

....

....

....

آآآآذرم = تقال كرد سريع على معرفتك التامة بكذب الشخص الآخر،، ويفضل أن يسبقها مط العين اليمنى للأسفل مع إخراج اللسان بشكل خاطف وإصدار صوت شبيه برشف الحِليب!!!!!!!!!!

تحياتي للجميع ،،،،،،،،،،،،،

أخوكم نايف الطير.....

[خيال الحرشا]

8
8
8
هههههههههههههههههههههه

قسم بالله إنك تحـــفة يانايف

[ابن مشيب]

تابعت مشاركات الاخوان , واشكرهم على اثراء هذا الموضوع , ولدي تعليق , وبعض فوارق النطق بين عتيبة , وبعض الكلمات....


التعليق

كلمة عانه , يقول بعض الاخوان ان عتيبة ومطير تشترك فيها , وانا اقول مطير تستخدم ( ذانة ) بدل عانة......

الفوارق

( امرار )عند غالبية برقا__ ( نوب ) عند غالبية روق: ومعناها بعض الاحيان او بعض المرات

( وين ) عند غالبية برقا__ ( وان ) عند بعض روق: ومعناها اين

( الحكاك ) عند غالبية برقا ___ ( الكراره ) عند بعض روق: ومعناها بقايا الاكل الملتصق بإسفل قدر الطبخ

( شاهي ) بفتح الشين اعتقد انها عند الشيابين فقط ___ ( شاهي ) بكسر الشين عند بقية عتيبة , وغيرها من الكلمات , فتكون الفتح عند الشيابين , والكسر عند بقية عتيبة....

هذا مايحضرني الان............



الكلمات


هوه: اي هو

يترمص: اي يتحرك بكثرة

يابا الفيت , على بن , مابلا : اي اضن

يافيت الله , ياوجه الله: تستخدم للتعجب

العشيه: اي اليوم وتستخدم لحدث حصل في وقت العصر

اولى: بفتح الالف يعني قبل قليل

هالوان , هالحين : اي هذة الساعة

شوي: اي بعد قليل

هضالا: اي هاؤلا

يعرف الكفت: اي يعرف مايخفى على الغير

ضاهرن منه دهيم الادهم: اي متغير للاحسن

جنب: اي ابتعد عن طريقي

حول: اي انزل

عد: اي اصعد

اقمز: اي اطمر

غداء: اي اختفى وضاع

ضاري , مبطي , منول : اي في السابق

صفق , كفى: اي نثر

لفعه , طعه , لخه: اي لطم وجهه

لاحه: اي حذفه

المطعون: تستخدم للسب

يرط: اي يظرب الشي

يفغص , يغفص: اي يكثر اللمس على حاجه

يقعي: اي يجلس

متملهص: اي محرقته النار ومختلط مع بعضه

يبسه: اي يرمي عليه التراب


ادنو: اي اقتربو

الادنا: اي القريب


ومن الكلمات التي تستخدم خاصة للابل

عندما يغضب الشخص من احد الابل اللقحات , يقول لها: ( جعل ولدتس قعود , ان بركتي ركبتس , وان وقفتي ضربتس )

عندما يراء الشخص ابل وتعجبه يقول: ( جعل القوم تاخذتس )



ومن الحجايا عند عتيبة

كلمه ويرد عليه الاخر بنفس قافيت الكلمه , ومنها , يقول:


وش تحت الخصابه: يرد عليه الاخر ويقول: ارنباً نصابه

وش تحت غبيط بنا: يرد عليه الاخر: عقيرباً تضنا

وش فالقدر: يرد عليه الاخر: كبد الهدر

وش وش: يرد عليه الاخر: تلازمنا بالشوش

وش وش: يرد عليه الاخر: قطعت محش

( وهناك ايظن المزيد منها , ولكن اعتذر لعدم ذكرها )


ومن الكلمات التعجيزيه

خشيبت شظاشظ: ويكررها اكثر من مرة

المطر غطى دمخ: ويكررها اكثر من مرة

شيص: ويكررها الشخص اكثر من مرة وبسرعه



هذة بعض مايتداوله افراد القبيله , وهناك الكثير , وياليت الجميع يثري هذا الموضوع....

[أبو فيصل]

[QUOTE=ابن مشيب]


الفوارق


( شاهي ) بفتح الشين اعتقد انها عند الشيابين فقط ___ ( شاهي ) بكسر الشين عند بقية عتيبة , وغيرها من الكلمات , فتكون الفتح عند الشيابين , والكسر عند بقية عتيبة....

قسم بالله أنك جبتها يابن مشيب ههههههههه

لي رجعة

التوقيع

لا إله إلا أنت سبحانك إني كنت من الظالمين

[ابن مشيب]

هههههههههههههههههههههههه
الله لايهينك يافهد


من الكلمات ايظن


دارك: اي انتظر

الجمع: اي قبضة اليد

يشق الجيب: وتطلق على الشخص الذي يفعل اويقول امر لم يتوقعو منه ان يصدر منه مثل هذا الامر

يمال فرق العين: وتستخدم للتواجد , او الاستنقاص من شخص

ومن التوجد , قول الشاعر عندما ذهب لدولة قطر وتذكر ربعه في السعودية:

انا من قطر ماليت يمال فرق العين=احب السعودية ومنهو براضيها

اذبحه: بمعنى اضربة اوطقة

اكذب من سحية الليل , او يقطعها من جنب شيره: وتطلق على الشخص الكذاب

مايسوى ملى اذنه ماء , او مايسوى التاليه من الغنم: وتطلق على الشخص الذي لايحسب له حساب

اشرد من الصفريه: وتطلق على الشخص الجبان

شرده: اي هزمه او تغلب عليه

خزمه , اوفلجه , او حجه : اي تغلب عليه في الكلام

وابوك: اي هل هذا صحيح



وياليت الجميع يشارك

[ربعي عتيبه]

سهكوك يعني رخمة


المر تجي بمعنى القهوه .. وصارت لي موقف من كلمة مره [ مره الريجيل عندنا وقال لي شايب صب لي مر .. قمت ورحت وخليت الاهل يسووون شاهي مر ] هههههه

المهيله ، الطبخه بعد تطلق على القهوه

الراح = يعني قم بنمشي

الرجال = رمز تطلق على اي شي ماتبغاه ينقال [ مثل واحد بينك وبينه سالفه عن اي شي مرسله لرجال لحرمه لناقه يشوفها هههه ولا تبغى اللي عندك يعرفون بالسالفه تقوله هاه علوم الرجال ] ههههه

المتارعي يعني الببسي وهذا التسميه قدييييييمه مره ماحد يستخدمها الحين وسموه كذا عشانه يجيب المتارع


هذا كله كوم وتسميات المطر وفعله فالارض كوووووووووم

مسميات السيل : تسفوة حاض .. يكثر الماء .. يجرجر .. عوير .. يسيل التليع .. يحول الهضاب .. يصفق الحزوووم .. يدفن الجره .. هديمه
كل مسمى له وضع معين مثل الهديمه : اقوى السيول يدربي البل وسطه

مسميات السحاب: المدلهم ..ربان ..مزون .. غثير وهذا مو سحاب .. مخضري ..ثعول وكثير لكن ماتحضرني الحين
وكل مسمى له وضع معين : مثل الثعول .. هي انك تشوف المطر في مكان وانت ماعليك مطر

مسميات المطر : الحقاق .. الودان ..الغشنه .. يهتف ..يصوبن