وخص عبـدالله وقلـه ياحلالـي=مركز أهل مغيب ستر الأسعديـة
واشرب الفنجال من صفر الدلالي =واشرح الموضوع وعلومن طريه
وثم قله ياولـد حامـي التوالـي =افهم الموضـوع يازبـن الونيـه
اتسلا بالشعـر لاضـاق بالـي =واصنع القيفان ماتصعـب عليـه
لاذكرت اللي مضى والدمع سالي =من عيـون بالعنـا دايـم شقيـه
شوف ربعي والله انه شف بالـي =وان نزحت بعيـد والله ماعليـه
الحدارا هـم صناديـد الرجالـي =والمجمـع مـا يفيدونـك بشيـه
غيرهم محدن سال عن ويش حالي =والسلام مواصلن يرسـل عليـه
الحدارا شبرهـم وافـي وعالـي =اهل العادات وأهـل الشوشليـة*
الحدارا ذكرهم لاجـاء المجالـي =ذكرهم ذكر السعد والعـي عيـه
وابو بدر* منزله فالقلـب غالـي =ماذكرنا منـه شيـن ولا خطيـه
الحـدارا ربعنـا يـا همـلالـي =من نصاهـم يبهجونـه بالعطيـه
واترك اللي فيدهـم قيـلٍ وقالـي =الهقق واهل العلـوم الخزخزيـة
تـم قولـي ياسـلام اول وتالـي =للربوع أهل الوفا وأهـل الحميـة
"
"
"
أخوكـم / راعـي صبـحا
آخر تعديل راعي صبحا يوم 03-Jun-2008 في 02:05 PM.
« آخـــر الـــمـــشـــاركــــات »
03-Jun-2008, 01:57 PM
العرض المتطور
