جاني وانا في وسط ربعي وناسـي

[أبو فيصل]

السلام عليكم

قائل القصيدة رحمه الله .. وهو ..

الشاعر المقدم / نمر السحيمي الحربي

قد قال هذه القصيده قبل وفاته

لأنه رى في المنام أن منادياً يناديه

وأنه ميت فقال هذه القصيده وأودعها في درج مكتبه

وعندما توفي .. وعند تفتيش مكتبه وجدوها فيه

رحمه الله رحمة واسعه ... فقد عزى نفسه قبل أن

يشيعه المشيعون ..

جاني وانا في وسط ربعي وناسـي=جاني نشلني مثل ما ينشـل النـاس
منـي نشـل روح تشيـل المآسـي=تشكي من ايام الشقى تشكي اليـاس
اثر الالم في سكرة المـوت قاسـي=ماهالني مثله وانا انسـان حسـاس
جابوا كفن ابيض مقاسـه مقاسـي=ولفوا به الجسم المحنط مع الـراس
وشالوني اربع بالنعـشiو متواسـي=عليه ومغطى على جسمـي البـاس
وصلوا علي وكلهـم فـي مآسـي=ربعي ومعهم ناس من كل الاجناس
ياكيف سـوا عقبنـا تـاج راسـي=وامي الحبيبه وش سوى بها اليـاس
اسمع صدى صوت يهز الرواسـي=قولـو لهـا لاتلطـم الخـد يانـاس
قولولهـا حـق وتجرعـت كاسـي=لاتحترق كل يبـي يجـرع الكـاس
اصبحت في قبري ولابـه مواسـي=واسمع قريع نعولهـم يـوم تنـداس
من يوم قفوا حـل موثـق لباسـي=وعلى رد الروح صوت بالاجراس
هيكل غريب وقـال ليـه التناسـي=صوته رهيب وخلفه اثنين حـراس
وقف وقال ان كنت يانمـر ناسـي=هاذي هي اعمالـك تقـدم بكـراس
ومن هول ماشفته وقف شعر راسي=وانهارت اعصابي ولاارد الانفـاس
ياليتنـي فكـرت قبـل انغمـاسـي=بالغفلـه اللـي منتهاهـا للافـلاس
وفزيت من نومي على صوت ناسي=واصرخ واقول الموت وأحذر الناس

التوقيع

لا إله إلا أنت سبحانك إني كنت من الظالمين

[ابن مشيب]

رحمة الله واسكنة فسيح جناتة , لاهنت على هذة المشاركة يافهد..............


تحياتي

[((الدلبحي))]

تسلم يافهد
الله يرحم الحربي ويرحم اموات المسلمين

تحياااااااااااتي

[وصل العطياني؟؟؟]

تسلم يمينك ..

الله يرحمه ..



تحياااااتي

التوقيع

na111na@hotmail.com

[داهية عتيبة]

لا حول ولا قوه ألا بالله



أنا لله وانا أليه راجعون

قصيده محزنه ومعبره

كان رحمه الله زميل للوالد في العمل لم يعرف عنه ألى طيب الأخلاق وحسن النوايا كل من يعرفه لا يذكره ألا بالخير ويترحم عليه



رحن الله أموات المسلمين جميعا

[أبو فيصل]

يعطيكم العافية على مروركم