قصـــــة ابو دبــــاس

[العين الحمرا]

هلا وغلا بالغربي واقولك ماطلبت غالي ياحبيبي0 ابشر بالي تبي وانا اخوك0
قبل لابدا اخوي ابي اعرف عن شخصية الاب محمد0
على حسب ماعلمت وماقرأت ان اسمه راشد وليس محمد وهو الاكيد وذلك لان ابناء راشد هم دباس ومحمد وعبدالله وبنت له اسمها زهيه0
واسمه الكامل هو راشد بن عبدالله بن دباس بن علي بن دباس ولد وعاش وتوفي في قرية العوده( رحم الله الجميع) ويرجع اصله الى الوداعين الدواسر0
وقد قال هذه القصيده بعد غياب ابنه دباس ثمان سنوات 0

عموما هذه من الابيات التي قالها الابن دباس ردا على ابيه
يقول دباس:

حي الجواب الي لفانا من الراس***جانا غلام ماتوانا مسيره
جواب من هو مود من لناس***ابوي مايوصف حلي لغيره
فرز الوغا كنه على الوكر قرناس***وقروم ربعه كلها تستشيره
دليل عيرات ليا هب نسناس***ثم ادلهم الجو مامن ذخيره
مهفي الغنملاهل الركايب والافراس***لي روحوا له ما عليهم قصيره
راعي معاميل بها العبد جلاس***للبن يشري بالسنين الطويله
وفي ختامها يقول
ان كان الضيق يابوي لاباس***جاك الفرج يابوي هو والبريره
ولا فانا يابوي قطاع الارماس***اصبر على الشده لو هي عسيره
ابغي عسى الله يبرد القلب ياناس***من لاهب شيت بقلبي سعيره
ومن كان له غايب فلا يقطع الياس***ان قدلا الله علمه بشيره


وارجو ان تعجبك هذه القصيده والاخوان الزوار ايضا0

اخوك
ابن بصيص0 العين الحمرا