ناصر الجلاه
الشعر ماهو عسكريه يندرج حسب الرتب=الشعر نقض وفتل يا أما تنقضه ياتفتله
معجب ملازم بس أنا جندي ليا حان الطلب=آقف مواقيف ألويه وازحفه وابهذله
معجب العتيبي
الشعر معنى والبيوت حروف واللاعب لعب=واللي على معنى لعب ماهو مثل من يجهله
العسكري يمنع وصول الدم لأطراف الركب=وان كان مايمشي على حسب النظام نعدله
ناصر الجلاه
ترى البلا في كربلاء وانته اتضح فيك التعب=لكن سر الليل يامعجب وحملك واشتله
وش رايك إنا لونشب النار ونزيد الحطب=واللي تضيع ابه الهقاوي عن شداده حوله
معجب العتيبي
المنهزم ياصاحبي ماهوب مثل اللي غلب=لكنّ قرب حملة شعيل وتقهقر وازهله
لاحانت الطرقه ترا صاحبك ماحوله عتب=بس انت قلي لازم اصحابك عساك تكمله
ناصر الجلاه
كلٍ على لحن الطرب ياصاحبي قام وطرب=المشكله فاللي تجمل مار ماالله جمله
قد قالها مقعد يامعجب مالك ومال النشب=كلٍ من العربان أله قدر ومكان ومنزله
معجب العتيبي
اللي يغني فالزمن ياصاحبي مخه ضرب=وليا ضرب مخه يموت ولا استفاد من عمله
من صدق المجنون ياناصر مع افكاره نشب=وان كان وصاك الجذع ياصاحبي لاتخذله
« آخـــر الـــمـــشـــاركــــات »
15-May-2008, 01:34 AM
العرض الشجري