اللي في راسه علوم يقرب

[معجب العتيبي]

مقعد الدغيلبي

سلام والليله نوردها على ناروعذاب=واللي وراه علوم ناري قدم عينه تصطلي
شلفا ذياب اللي يقولون العرب شلفا ذياب=اماتوقع فالجمل والا توقع فالطلي

معجب العتيبي

يامرحبا ترحيبةٍ فيها على الشاعر عتاب=مخٍ جمعله نار مع جنه تراه معطلي
الشاعر اللي جا يدورله حرش مدري نشاب=ابا انصحه واقول عن درب المشاكل بطلي

مقعد الدغيلبي

انكان منتب ذيب يامعجب تعشتك الذياب=هذا مثل وانت شوي تقول ربعي ياهلي
انا نصحتك قلت ممنوع الحرش والاقتراب=لكن صبرك ربع ساعه ثم اللقيك الخلي

معجب العتيبي

فعلي معك ياصاحبي شيّب جناحين الغراب=يا مشين اللي لامشاله درب واضح يجهلي
ليت النصيحه تنفع الناصح ويسمعها الشباب=ويصير مقعد بينهم محبوب ماجاله حلي

مقعد الدغيلبي

ياللي تخفا لاتخفا من ورا سد الزهاب=هذي غريبه منك يامعجب رفيع المنزلي
علمبها اللي لحتما الميقاف يامعجب يهاب=عان الرخاوه بجملك يوم الصلابه بجملي

معجب العتيبي

النور لامنه سطع بالحيل سموه الضباب=وليا بدا كل الظلام اللي تشوفه ينجلي
مادمها هاللون اخذها دام في صدرك رحاب=وان كان صدرك ضاق اغيرها ترا المخرج ملي

مقعد الدغيلبي

انته على سطح الثرى منتب على سطح السحاب=وش عذركم لامن نشدك الشافعي والحنبلي
انته تباشر بالسؤال وعندنا تلقا الجواب=قدّمك عذاب وفوق راسك سيف ابو طالب علي

معجب العتيبي

الفرق واضح كان يامقعد قريت من الكتاب=واللي قرا يقدر يجاوب فالحياة ويعملي
جبت الاجابه بالخطا ياصاحبي والا صواب=والا تمشي حال قايلها هنا ومجملي

مقعد الدغيلبي

الفرق واضح بين فاس وبين مصقول النصاب=محطتك ياوليد روق مشوشه ماترسلي
انته تحوّص والحباري موتها شوف العقاب=وآبوك انا من دونكم وقفت لمطير وبلي

معجب العتيبي

لاتنشدون اللي حمل للسيف لكن ويش جاب=ياطيب رجالٍ عرف ياصاحبي وش يحملي
انته وقفت ووقفتك سدت عن غياب الغياب=لكن انا سديت عن حاظر وغايب وازهلي