اقتباس:
المشاركة الأصلية كتبت بواسطة نشاط الزلامي
ياللي تهرجني وانا عنك مشغول = مالي بكثر الهرج يابن الحلالي
الفكر من كثر التفاكير مذهول = لاتحسبن الوقت مثلك صفالي
اصول في بحر الهواجيس واجول = وانته خلي القلب مرتاح بالي
فكيت لي باب عن الهرج مقفول = ماقبلك اللي فيه حصل مجالي
لكن تدري..يا ابيض الوجه ابا قول = واصبر علي وخل صدرك شمالي
واسمع كلام صادق فيه معقول =ومنقده قبل انتقاد الرجالي
بعض السوالف تاخذ ايام وتزول = ولابعضها ما يعرف الزوالي
تبقى على طول الزمن عمرها ايطول = لاطال عمر اللي عليها يلالي
شخص قليل احسان والهرج معسول = قلبه خبيث ومنطق الهرج حالي
اليا هرج ما كن غيره حضر زول = ولاله حلي فالاوادم يحالي
وهو الذي لن قيل مخيول..مخيول = ماسد لازم كود لأم العيالي
بينه وبين المرجله خبثه ايحول = ومن الرداء ترده جميع الحبالي
وعلى علوم الطيب ماهوب محمول = والطيب ياهل الطيب عسر المنالي
ماكل رجال حمى فعله القول = ولا كل رجال يشيل الثقالي
الا قوي اعزوم ويقول ويطول = يرسي كما ترسي رواسي الجبالي
هذاك ابو جميل ماهوب مجهول = مضرب مثل للطيب فأول وتالي
|
الاخ القدير : نشاط الزلامي
صح لسانك
قصيده جزله
اروت ذائقة متذوقي الشعر العذب
ولا املك الا ان اقول
( ما يستغرب من الغيم عذب الامطار)
« آخـــر الـــمـــشـــاركــــات »
28-Apr-2008, 09:28 AM
العرض المتطور
