يا سعد تقصر عن بلوغ الهدف يدك = يامن على الباطل يزمجر وريدك

[سطام بن فهيد]

قال الشاعر عبدالله بن عبار هذه القصيده بعدما أتصل عليه أكثر من شخص وأخبروه بأن اسمه قد ورد في قوائم السفيه ففاضت قريحته بهذه الأبيات :

يا سعد تقصر عن بلوغ الهدف يدك = يامن على الباطل يزمجر وريدك
وش عاد لو تنشر قوايم جرايدك = كذبك وزيفك والدجل ما يفيدك
هيهات ما تشكل علينا مكايدك = ولا همنا يا تايه البصر كيدك
الغدر طبعك والخيانه عوايدك = كذبت في قولك وربك شهيدك
قولك على ظلمك للأجواد شاهدك = تنفح غضب قيحك وتنثر صديدك
طحت وخثعت وتبغي الغرب ينجدك = والغرب والله لو حصل له يبيدك
الغرب لو حالفك له يوم يفردك = لا تحسب أن الغرب يوصلك ميدك
وآخر نهايه مع علابيك يجبدك = يجوز منك وللجزيره يعيدك
لابد من ساعه يجيبك محددك = لا تحسب اعداء الشريعة تريدك
عدوان دينك حاقده لو تواددك = تنقصك ياغادي الجدى ما تزيدك
أن كان هذا اللي يسرك ويسعدك = خاب وخسر مسعاك لا عاد عيدك
اللي سمح لك بالمهاتر وجندك = شجعك ولخدمة اغراضه يريدك
وخالفت منهج عزوتك مع بدايدك = وابعدت عن دار المعزة شديدك
وش الذي من ديرة العز طرّدك = من فعلتك يبرى أخوك وعضيدك
الله حسيب اللي على الشر ساعدك = شين الضمير اللي يتابع جديدك
قردت صدقانك عسى الله يقردك = بعض الخباث اللي تشيد بحميدك
ترى زمانك لو صفالك يهددك = لاشك لا ترفع على الناس جيدك
منهجك بالباطل يغثك ويلهدك = قل للذي شجعك تّرك قصيدك
سد القناه اللي عن الحق تبعدك = وحكّم ضميرك لا يغرك رصيدك
كانك تطيع اللي على الحق يرشدك = على سبيل الخير ياخذ على أيدك
أنصحك كان تطيع تترك تمردك = وجه على درب الفضيلة مديدك
من أجل ما تفرح عدوك وحاسدك = أرسل على عدل المناهج بريدك
اركن على اللي باللوازم يساندك = حاكم وطنك وسيد جدك وسيدك
اترك ضلالك والتمس عفو والدك = من شان مستقبل ولدك وحفيدك
وأن ما قبلت النصح لابد صايدك = شبل الفهد مهما تحصن يصيدك

تحياتي لكم