قصيدة الصمان <ديار مطير>

[الضباطي]

[زما مزن (ن) من القبله وحـده مـن خـلاه خيّـال "
" يتلـه طـاري بيـوت ٍ علـى الصمـان ملفـاهـا
على ديرة .. هلي .. ربعي .. ذراي اليا شكيت الحال "
" هل الشـدات والفزعـات سـاس الطيـب مجناهـا
بني عمي اليا قالـوا بنـي عمـك اقـول اهـوال "
" حشى مايلحق الباغي علـى الطـارف مـن ادناهـا
مدام ان الشيوخ اللي علـى روس العـرب هـم ال "
" يخيب الهاقي اللـي مانشـد عنهـا وش اقصاهـا
جبال ٍ مـن جبـال ٍ خلفـت عقـب الجبـال جبـال"
" كـذا يبقـى مـع الدنيـا سلايلـهـا ومجـراهـا
طحاطيح ٍ علـى المركـا زحـول ٍ ساعـة الافعـال "
" شيـوخ ٍ لا زمـا وجـه الكـلام وزان مركـاهـا
وسقـاك الله يـادار ٍ بشـرق محقـبـه تخـتـال "
" فعـول ٍ خلّـد التـاريـخ بالله كـيـف ينسـاهـا
مـن ام قريـن للخمـه اليـا درب ٍ لقطتـه مــال "
" نحـر وجهـه شمـال وقـال هـذي مـن بقاياهـا
ديارٍ لـو تبـي تنطـق تقـول اسكنتهـم ابطـال "
" عليهـا وش خلـد قصـيـد الـمـدح وادمـاهـا
مـدام مطيـر ياخبـل ٍ تجيـب العلـم زود خبـال "
" تربع عرشهـا فـوق الشمـوخ وطـال مسراهـا
فلا تبكي مـن الدنيـا ولا تشكـي علـي احـوال "
" فعايلـن مـن الاول عـلـى التـالـي جردنـاهـا
لنا في ماكـر الامجـاد مجـد ٍ صـار عـز ظـلال "
" ولنـا يمكـن يجـي الفيـن نــادر ماجحدنـاهـا
نحط الراس فوق الـروس ياربـي لـك الإجـلال "
" انا من قوم مايقـرب لهيـب القيـض مـن ماهـا
تبي تسمع اجل اسمع قصص واضرب بها الامثـال "
" اهل عشر ٍ غـدو جيـش ٍ علـى ركـب ٍ تعداهـا
تبي تسمع بعـد اسمـع وعلـق صـورة الاجيـال "
"تذكـر طايـره طاحـت بيمنـى مطيـر مثـواهـا
تبي تسمع بعـد اسمـع وصـور هـزت الزلـزال "
" تزلـزل تحـت قطعـان اليـوم اللـي لحقنـاهـا
وانا مطيري واعرف ان الـدلال الصفـر ذيـك دلال "
" ولكـن جــدد الفنـجـال واقــدع لا تحـراهـا
لصاروا عز والعـزه علـى روس الرجـال رجـال "
" اجـل لا تقعـد تـردد عـلـوم ٍ مـنـت ويـاهـا
وســـــــــــلامتكم
سلطان بن ناجي بن عبدالله الصعيري المطيري

آخر تعديل الضباطي يوم 12-Apr-2008 في 06:06 PM.

[نجر بن هاجد]

الله الله صح لسانك

[عبدالله الجـــذع]

صح لسانك يالضباطي...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهد النفيعي]

ونعم بمطير حمران النواظر

وصح لسانك

[/عبد العزيز الجذع/]

صح لسان شاعرها..
ومشكور يالضباطي..