تسلم يابن العم على ايرادك قصيدة الحميدي الله يجزاك خير
وصح لسانه
وانا اوشحها بالسواد علامة الرثاء لكنها بالابيض كتبت لتكون كالنجوم المتوهجه
نتمنى من العزيز القدير ان يعيد علينا ايام نفود الهيلا
لنلتقي بلحمنا ودمنا
ولك تحيتي
الايالسر ياشينك خلاوي=ياشينك عقب مخلفت الهقاوي
بعدراحوا هل الطاله عتيبه=الاياشيب عيني صرت خاوي
والايالسر وين اقفا ضعنهم=سالتك كان تدري بالحراوي
الاياصعب ساعات المفارق=واشوفك عقب فرقاهم سناوي
ولا ياليتني ماجيت يمك=تقول انك على موتي هواوي
ولايالسر خدك من وطيته=من الفرقى تثاقلت الخطاوي
دموع العين هلت واستهلت=على الذكرى طواني كل طاوي
تذكرت المزاين والتلاحم=وساعات النخاوي والعزاوي
عتيبه كلها فيك استقرت=وجولك من بعيدات النحاوي
بنوفيك الصروح وشيٌدوها=خلال ايام بالمد الرهاوي
مدينه كامله كلٍ شهدها=وكلٍ دون ميقافه فداوي
صروحٍ جولها كل القبايل=يعج ابها من الاطياب جاوي
على بن وشحم عز ومعزه=ماهيب امهايطات ولاحكاوي
فعاليات ويش اذكر واخلي=حدث ماياصفه تسعين راوي
سقا الله هاك الايام الجميله=تساوي عمر لاقلنا تساوي
ختام القول مني والنهايه=الايالسر ياشينك خلاوي
« آخـــر الـــمـــشـــاركــــات »
09-Apr-2008, 01:23 AM
العرض الشجري