حلقـــة كرســـي الأعتـراف /مع الضيــــف المحبــوب <<<<<(راع الـ ع ــرف)>>>>>

[راع العرف]

المشاركة الأصلية كتبت بواسطة عبدالله بن دبيس العتيبي

الف شكر ياخوي عبدالله الجذع على الاستضافة الرائعة

وارحب بالعضو المميز راع العرف
سوف يكون كرسي الاعتراف هذا الاسبوع مميز بتميز ضيفنا الغالي

راع العرف

انا عندي كم سؤال

س1/ ماذا يعني لك منتدى الهيلا ؟

س2 / بما ان هوايتك الشعر اتحفنا بكم بيت من ابداعتك ؟

س3 / من هو شاعرك المفضل من قبيلة عتيبة ومن خارجها ؟

وفي النهاية اتمنى لك التوفيق ياخوي راع العرف واتمنى انني لم اثقل عليك

مره اخرى الف شكر ياخوي عبدالله الجذع

وتقبلوا تحياتي

الاخ الكريم عبدالله دبيس العتيبي أشاطرك الشكر للأخ عبدالله
على استضافتي زاعتبرها تشريف وليست تكليف ابدا ً فهذا
الصرح الشامخ يتمنى الجميع ان يكونون ضيوف على كرسي
الاعتراف به , ترحيبك دليل طيبك وكرمك الغير مستغرب على
قبيله بحجم الهيلا عتيبه والتميز موجود طالما ان هنا اعضاء كرماء
مثلك يالغالي وماقصرت على ترحيبك ..


س1/ ماذا يعني لك منتدى الهيلا ؟

يعني لي الشيئ الكثير بل اعتبر ان وجودي على سطح
الانترت لايعد شيئ ان لم يكن لي تواجد بمنتدى الهيلا
واي فرصه تسنح لي بتصفح الانترنت لااوفرها بدخول
الهيلا ومراقبة كل جديد ..

س2 / بما ان هوايتك الشعر اتحفنا بكم بيت من ابداعتك ؟

ابشر وسأطرح لك قصيدتين اعتبرها ذكريات جميله في
الهيلا عندما كان الشاعر يوسف العصيمي يشارك بشاعر
المليون وقد تشرفت بطرحها هنا وقوبلت بالاعجاب والمشاهده
مثلها مثل مثيلاتها من قصائد شعراء الهيلا ..

القصيده الاولى :

عقبال ماتاخذ المليـون ونشوفـك=يالشاعرالبيطار واقف علـى نابـي
وعتيبـه الهيـلا تراهـا صفوفـك=لاصار بالدعوى حميْـه للاقرابـي
غصب ٍ على اللجنه مداون حروفك=يطرب لها السامع وفيهـا صوابـي
وانا من اللـي عرفهـم مايطوفـك=حربي ومعك آقف مادامي شبابـي
وربعك عتيبه وان تبيْـن صدوفـك=تاقف معـك ماردهـا كـل هابـي
اهبـي هبيتـي ياوجيـه ٍ تعوفـك=وجيه التيوس وفيه حمـر العلابـي
والا انت حر ٍ ماتوصـف وصوفـك=(( حر ٍ نداوي )) كد بلغت النصابي
للقاف تبنـي والجماعـه تشوفـك=تلقـي وراسـك رافعـه ماتحابـي
عهد ٍ علي انـي لااذكـي خروفـك=ويطيب لي ْ الزاد معـه الشرابـي
لافزت بالمليـون وابعـدت خوفـك=مادام حـزت المجـد رد الجوابـي
فوْزك ربعك غصب واخبرا كتوفـك=اني بعد معهـم شعبـت الركابـي
شاعر قليل بوقتنـا مـن صنوفـك=صغير سن وراس .. مالك والاذنابي

القصيده الثانيه :

ياعتيبه ياعتيبه ياشبابه ياشـــــــــــــــــــــبابه =والله ان السالفه صارت حميْه في حميْه
ماعلينا لارقينا فوق هامات الســـــــــــــحابه =واعتلينا المجد في يوم الثلاثا بالعـــشيه
انتخا المطران في خنذف ويبغون الاجـــــابه=ــ والاجابه قالوا ابشر يالمطيري بالحذيه
وانتخا العتبان فينا يوم قالوا يــــــــــــــاشبابه=ــ واحتمينا الماقف ولاعنه مجناب ونحيه
لاجل من به غارس ٍضيم الدهر مسنون نابه =لاوقفنا مايهم المال دام الـــــــــنار حيه
والذيابه لاعوت لازم تــــــــــــــــــجاوبها ذيابه =يبشرون بعزهم ميثاق والــــوقفه قويه
قالها حربي يقول اليوم بالهاتف حـــــــرابه =والله انـٌا لااجلهم نارد على حوض المنيه
ماانتونـٌـا دام تنخانا على الفـــــزعه عتــــابه =والله انٌاننتهض مادام فينا مــــقدريه
بالنيابه عن بني حرب اتعهد للـــــــــــــقرابه =واعتمد يايوسف انــٌا من شبابه كم سريه
حرب وعتيبه وزهران وبني حارث عـــصابه =والدواسر طيبهم مافيه شك ولا شكيه
ياعصابة راس يوسف خلوا المال وحسابه =لااجل سمعتنا حرام انـٌـا ندوس لكل حيه
والله ان السالفه ماهي فلوس ولارتــــابه =ماهي بمليون يعطى كاش والا ..خمسميه
صارت الدعوى حميْه والردي ماله مهابه =صوتوا ماعاد عقب الشمس تاتي غير فيْْه
وابشروا بالخير يوسف والله ان ينسى عذابه=دام باقي راس حربي مع عتيبي بالبريه
ودام باقي راس زهراني يعدل في جوابه =ـ ودام باقي في بني حارث عهود ٍ للحميه
مابقى غير اثنعش ساعه ولافيها نهابه=اغنموا تصويت وافر والسعد عقب العشيه

أتمنى ان ترقى هذه القصائد لذوقك اخي الكريم
انت والاخوان المتابعين ..




س3 / من هو شاعرك المفضل من قبيلة عتيبة ومن خارجها ؟

شاعري المفضل من قبيلة عتيبه هو الشاعر الاسطوره بندر بن سرور
ومن خارج قبيلة عتيبه هو الشاعر سعد بن جدلان الاكلبي واتمنى
وارى ان هناك شعراء على الساحه يجب ان لايهضم حقهم وهم
لايقلون عن هؤلاء المبدعين وهو :
عبدالله بن عون , عبدالله بن زويبن , رشيد الزلامي , لافي الغيداني
وغيرهم الكثيرين ولكن لايمكن ان احصيهم لكثرتهم فالشعراء كثيرين
ولكن الحديث عن الذوق والاسلوب المحبب لدي في الطرح ..






الله يوفقك اخوي وعساك فالك الجنه ولم تثقل بل اسئلتك
رائعه وسلسه وليست معقده يالغالي , واشاطرك الشكر
مره اخرى للاخ الغالي عبدالله الجذع الرائع على هذه
الاستضافه ..

تحياتي
راع العرف