لاندكروزر
سلامي على ولد السميري .. ومحقوق = وانا ما ادري ان الناس تنسى مذاهبها
ليا كثر الله فعلته في طوارف روق = قرينا آية الكرسي على قبر شايبها
السميــــــري
هلا مرحبا لا صرت بالقول مصدوق= وانا أقول ماسرع هرجتك ذي تركبها!!
مادامك معه وانته تسوق المطايا سوق = ورى ربعكم عيّت تبرك ركايبها ؟
لاندكروزر
نسيت الأدب يا صاحبي او جهلت الذوق! = وقصه عليها شهود مانته مكذبها
تعذرت باللي ما رضابه ولا مخلوق ! = لأن العرب لازم تقف دون واجبها !!!
السميــــــري
شهودك على حدك وانا أقول قل مرزوق = يعلمك يلي حجتك ماتنصبها !
نكف المشاكل لكن أن الحلوق حلوق! = عسى لقمته بعد الدعاوي يغصّ بها
لاندكروزر
شهودي رجالٍ ما يقيمهم المطفوق = وسواتك محد منهم سبق له يجربها؟
بعد فعلتك هذي ترى شاربك محلوق = قرارات من عرافنا وانت جايبها!
السميــــــري
ليا جيت بالمنطوق أنا أجيك بالمنطوق = ولاكل خلق الله تجينا نصاحبها !
إذا أن الشوارب ترفع الرجل دايم فوق = ترى كم عجوزٍ طايلاتٍ شواربها !!
لاندكروزر
ليا جيت بالمنطوق انا جيت بالموثوق = ضيوف البدو ماهو ضروري نقربها
واذا ان الربايع يحجزن الشنب بالطوق = ابا اقول ياراع الرديه قعدت بها<
السميــــــري
ترى ما معك ناقه مع أهل الغنم والنوق = على شان يالطيب تجيها وتحلبها
بعد هذي حط براسي اليوم خمس فلوق = إذا كان خاطبة الجواهل وأعاتبها !
« آخـــر الـــمـــشـــاركــــات »
05-Apr-2008, 07:02 PM
العرض الشجري