عطني جميـع أخبارهـا بالتفاصيـل((لشاعر قبيلة حرب الغاليه ))

[عبدالرحمن الهيلوم]

السلام عليكم ورحمة الله وبركاته



ياسعود عسى داركـم عمّهـا السيـل

عقب البروق اللي تكاشـف جهتهـا

عطني جميـع أخبارهـا بالتفاصيـل

عسـى الرجـوع التاليـه سيلتـهـا

لعلّهـا دايــم تـصـب الهمالـيـل

علـى فـروع جبالهـا وأوديتـهـا

دارٍ ربـو فيهـا الرجـال المشاكيـل

من ماضي الأيام مـا أحـدٍ شمتهـا

حمايـة الخايـف وصبابـة الهـيـل

وعوق السمين اللي تمـوح ذنبتهـا

لو كان ما أرجي من وراهم محاصيـل

مير الرجـال تحـب مـن سامعتهـا

وفي ضفهم راع العيـون المظاليـل

اللي يـذوب القلـب مـن سلهمتهـا

إليا أقبلت قام يتكفكـف دجـا الليـل

كـل الديـار المظلـمـه نورتـهـا

وإليا أدبرت غطت جسدها المجاديـل

بيـن الخلايـق لـو تعـرّى كستهـا

إن كفّته مثـل الغصـون المحاميـل

وإنّ فلّتـه قـام يتثـنّـى تحتـهـا

كنّه سبيب اللي إليـا ماحـت الذيـل

رأسـه تعـدى راسهـا وارقبتـهـا

صفرا وهي بعذارها سمعـت الخيـل

أشد من ضـرب الدفـوف أرجفتهـا

وقامت تشيل بنفسها بالسمـاء شيـل

وصاح النذير وسبّـق الخيـل جتهـا

خيالها دايـم علـى خصمـه الميـل

إلـيا فـرق رجليـه عـن معرقتهـا

شيـخٍ مضرّيهـا لنطـح المقابـيـل

صـوب الخـلا بعنانهـا ماعفتـهـا

تفرح بـه اللـي ماوراهـا رياجيـل

وصكت عليها خيـل قـوم وخذتهـا

قـوم تقفّـوا جلـهـا والمخايـيـل

أقفـوا علـى خلفاتهـا وأجنبتـهـا

وأبطت فـزوع مسحبيـن الشماليـل

وجاء من يرد البـل علـى راعيتهـا

جابه لها وقـت الحـرج رب جبريـل

بنـت الرجـال اللـي كبيـرٍ بختهـا

نادى لهـا يـأم الحلـق والخلاخيـل

وين إتجـاه القـوم يـوم إقتفتهـا ؟

وقامـت بذرعـانٍ زهتهـا المفاتيـل

تنعـت وراهـم ليـن وكّـد نعتـهـا

ولحق بسيفٍ لمعتـه مثـل الأستيـل

وصفراً ليـا جـات الحـلاة طمرتهـا

وقامت تزغـرد بالغنـاء والمواويـل

وجاه الدهاش ... وشاش من غطرفتهـا

تلحّـن المـوال عـقـب الـولاويـل

الولـولـه ، بالغطـرفـه بدلـتـهـا

وأومى بهم مثل الهـوى بالمخاييـل

وضاقت بهم جرد السهـال وسعتهـا

من راح ماعوّد ومن طاح مـا شيـل

وقطم الحذا راجـت عليهـا اغبرتهـا

فيما مضى وأوردتها ضـرب تمثيـل

لوكـان دورات الزمـن كـد محتهـا

دنيا تفرق شمـل جيـل بعـد جيـل

قدامـنـا كــم عـاالـم فرقتـهـا

دارت بهـا الأيـام مثـل المحاحيـل

عنهـا نحـت فيّـه وعنـي نحتهـا

نحت ولاجتنـي خـطـوط ومراسيـل

وإلـيا كتبـت رسـالـةٍ ماقرتـهـا

لاكـن قـرار الحـب مافيـه تعديـل

لو عشت بالدنيا إلـيا آخـر سنتهـا

هاض الضمير وقلت من عر ض ماقيل

وأخير مـن سـرد العلـوم اثمرتهـا

إختـرت ماتصلـح عليـه التعاليـل

مع الرجـال اللـي تصـوغ أمثلتهـا

بعض الرجال تقابـل الكيـل بالكيـل

وبعـض الرجـال تحدّهـا معرفتهـا

والناس باللـي ماتعرفـه جهاهيـل

ويبيـن غيـب قلوبهـا بألسنتـهـا

وتعـرف فصيلـة دمهـا بالتحاليـل

وتبيـن جنسياتهـا مــن لغتـهـا



شعر \ عبد الله زويبن الحربي



ولـكــم خـالــص تـحـيــاتـي . . .

[محب الهيلا]

مشكور وماقصرت

على النقل الموفق

[عبدالرحمن الهيلوم]

مشكوووووووووورين يالغالين علي المرور الجميل

[أبو مرحبا]

والنعم بقبيلة حرب


صح السان الشاعر عبدالله الحربي

لاهنت على النقل

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عبدالرحمن الهيلوم]

مشكوووووووووورين علي المرور

[الحروب مرعبين القلوب]

صح لسـان ابن زويبـن


وسلمت يمينك يا عبدالرحمن .. على النقـل


ولا عليكــم زود يالربــع

[عبدالله الجـــذع]

صح لسان العلم عبدالله بن زويبن..

مشكور يالهيلوم..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

مشكورين علي المررور

[مشتآق !]

صح لسان الشاعر الرائع عبدالله زويبن الحربي واشكرك اخوي على النقل ماقصرت عساك سالم

[يزن الهيلوم]

مشكووووووور والنعم بحرب وشعارها المبدعين