أطلق شنب لامن حظر يمشي على حسب النظام=ترى الحموله كايده للي نوى يشتالها

[علم]

سلام عليكم ورحمه الله وبركاته

مصافحه اولا

سلام من شاعر جري مايلحق أبيوته كلام=يعرف مخارجها قبل لايفكر أبمدخالها
أطلق شنب لامن حظر يمشي على حسب النظام=ترى الحموله كايده للي نوى يشتالها

[معجب العتيبي]

هلا وغلا
وحياك الله بين اخوانك

يامرحبا ترحيبةٍ مضمونها رد السلام=في منتدى عتيبه عسى ربي يعز ابطالها
اطلق شنب على النظام ليا مشى مابه ملام=والكلمه اللي تنسمع تحسب على اللي قالها

التوقيع

آخر تعديل معجب العتيبي يوم 05-Mar-2008 في 10:57 AM.

[علم]

دام البقى يابو هلا وعداد براق الغمام=في منتدى الهيلا عسى ربي يعز أرجالها
الرب يامعجب ترى رب العبيد أهل المقام=وانته تعبد الرب والدله نبا فنجالها

[معجب العتيبي]

ابو هلا منهو عسى جدك وعمك للرحام=يابو علم لاتلخبط الاسما وتنكب حالها
ياصاحبي وانت العلم نبغا تفاسير الحلام=ليت العرب فيما مضى ناموا وكان اشوالها

[زيزوم مدركه]

علم اتسائل اقول اسم

معجب انت علم

انا متابع

[بعيدالهقاوي]

بيض الله وجيهكم جميعا وشعر جميل

[علم]

معجب فرض نفسه على الشعار من دون احترام=يــ شاعر الموهووب حذرا لاتجي ابجالها
كبر الجمل طافتك يامعجب وردك مو تمام=يالا لا لا لا لا لا لا لا لا يالا لالا حالتك يرثالها

[معجب العتيبي]

معجب بناله مجد يوم انك تقلّب في المنام=ياللي بنيت بيوت مهدومه وضاع ظلالها
ان كان شفت اللي كبر راس الجمل قلنا غلام=وان كان ماشفته ترا الشرهه على عقّالها

[عبدالله الجـــذع]

الله...

محاوره جميله..

صحت السنتكم ولافضت افواهكم يالغالين..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[علم]

صح الله السانك يامعجب اللعب معك شرف

تقبل تحيااااتي لك