قصيده في مدح امراء اعتيبه

[((الدلبحي))]

هذه القصيده قالها الشاعر محمد بن دخيل الله الشيباني
في مدح عتيبه والشيخ مسلط بن ربيعان والشيخ هذال بن فهيد والشيخ محمد بن هندي والشيخ سلطان بن ربيعان والشيخ مناحي الهيضل :

مرباعنا نجد المسمي بالاخبار =جنوبنا قحطان وشمالنا كير
يازين في واد الرشا حل الامطار =الى سقى عشبه سحاب شخاتير
فيها عتيبه كنهم زامي الطار =مثل العساكر صوتهم بالمزامير
والشيخ اخو هملا عسل مر الامرار =ضار بكسرات الجموع الصوابير
والشيخ بن هندي يعود له الشار =ماخم رايه من خفاف المشاوير
حيد رسى له شوفة تملا الانظار =يردون في رايه ونوج مصادير
ومسلط الى جات المحاضير جزار =اليا اقبلت ثم ادبرت بالمناعير
تلقى على جنبه من الهند صرار= ياما نثربه من دما الضد تنثير
وعطفتهم الهيضل قديم وصبار =باولاد مفلح لابسين المقازير
مالوا صلاة الصبح والطير ماطار =وارخوا عليهم بالسيوف البواتير
وصاحوا عليهم صيحة تخلي الدار =وطاح العشا لمعكفات الدناكير

وسلامتكم

[فرهودي]

يازين في واد الرشا حل الامطار .....الى سقى عشبه سحاب شخاتير

الدلبحي.. مشكور على القصيدة..

وصح لسان الشاعر

فرهودي،،

[((الدلبحي))]

حياك الله فرهودي
شاكرين على المرور الكريم

[ابن هوازن]

الله يعطيك العافيه أخوي الدلبحي على هالقصيدة المشهورة لكن أعتقد أبياتها أكثر من اللي ذكرت وياليت واحد يزودنا بالأبيات الناقصة..

[((الدلبحي))]

مشكور اخوي

ابن هوازن على المرور الكريم

اما الابيات الناقصه
سيتم اكمالها في وقت لاحق لان القصيده اطول مماتتوقع

[شيباني نت]

تسلم والله
يالدلبحي
على القصيده الجزله
ومن الشاعر المعروف
والملقب بـ ( ابو خطمه )

وصح لسانك ولسانه



اخوك شيباني نت

[((الدلبحي))]

شيباني نت
ياهلا ويامرحبا

شاكرين على المرور الكريم

والتعليق الجيد

تقبل تحياتي

[فيصـل العضياني]

لاهنت يالدلبحي
صح السانك والسان الشاعر
ماقصرت ؛

[((الدلبحي))]

حياك الله
يالروقي

يسعدني مرورك

تقبل تحياتي

[النمر المقنع]

صح لسن الشاعر
وابدع قلم الناقل
اخوي الدلبحي
تسلم يمينك ولا عدمناك
اختيار موفق وكل امير من عتيبه يستاهل ديوان مدح لوحده
وعتيبه كلهم شيوخ وهذا ماهو كلامي الشخصي
بل كلام التاريخ فا الماضي والحاضر
لك مني اشكر والتحية
دمت بود