اقلبي وجهك

[الروسان فرسان]

السلام عليكم ورحمة الله وبركاتة
اسعد الله صباحكم لمن عنده صباح واسعد الله مساءكم لمن عنده مساء
هذه قصيدة تحكي معاناة شاعر مع حبيبته التي خانته وهو مغرم فيها
القصيدة فيها من المعاني والكلمات القويه التي تنقل لمستمعيها معناته
اترككم مع القصيدة



خسيتي لعنبو خدك ؛ خسيتـي والغلـط ينعـاب
خسيتي واقلبي وجهـك ؛ ولا كلمـه ؛ ولاجابـه

خسيتي والزمي حدك ؛؛؛ تراها ضاعـت الاداب
انا ليا طاشت جنوني ؛ يعـرف الجاهـل ادابـه

وش المغزا من الكلمه وش الداعي!! وش الاسباب
وهرج الكذب والتجريح!! قوليلـي وش اسبابـه

انا الشرهه علي اني فتحت لخافقـي كـم بـاب
ولكن مثل ماجيتي !! تـرا كبـر الجمـل بابـه

خذي نفسك معك برا ؛ ثم انقلعـي بـدون إيـاب
فمان الله ؛ والا اقول : فمان ابليـس واصحابـه

تحسبيني على فرقاك ابنـدم واغـرق الاهـداب
انا مبسوط يوم اني ؛ طـردت الشـوم وغرابـه

انا ما اعاشر الخاين.. ولا اسمع هرجة الكـذاب
ومثلك قيمتـه عنـدي تحـت الزيـرو حسابـه

رفعتي خشمك الواطي ..وغرك زينـك الخـلاب
ترى والله ماحـرك.. جمالـك نظـرة اعجابـه

تغطرستي على الفاضي .. وانتي من علق وتراب
ومصير ابن ادم المسكين..يدمـدَم فوقـه ترابـه

وهذاك اللي تحبينه ؛ حقيـر و خكـري ولعـاب
عاجبك ان قذلته شقراء ..ويميّل بالشعـر كابـه

صحيح انه حقير و زين . وشكله للنساء جـذاب
تشّبـه بأختـه فلانـه ؛؛ ومنهـا الـدم متشابـه

وانا مانيب حرف الجر ؛؛ تجرينه على الاعراب
انا حرف(ن) جزم نفسه ؛ ومثلي يصعب اعرابه

تشوم النفس عن زينك عقب ماطاح فيهـا ذبـاب
وانا حر(ن) ولد حر ؛؛ تركـت الزيـن لذبابـه

انا يابنت من ربع(ن) لهم فوق الفخـر محـراب
انا من روق ياخبلـه ..وربعـي الهيـلا اعتابـه

نسينا ما كلى عمهوج و كم روس بـدون إرقـاب
رزقك الله بحكم اللي حفظ عمهوج فـي نصابـه

انا شيخ(ن) ولد شيخ ؛ بذكـره تنعـم الانسـاب
وقليل الاصل يافلانه !! يراجـع دفتـر انسابـه

ولد شيخ(ن) وسط ربعه له بين الرجال حسـاب
اليا ضاقت به الدنيـا ؛؛ يهـز الارض مشعابـه

محنكني على الطيبه من يومـي صغيـر وشـاب
اجل : وش رايك بطفل(ن) دلال القهـوه العابـه

انا ليا جتني الزله ؛ من الجاهـل وهـو كـذاب
تركت القافلـه تمشـي ؛؛ وراهـا تنبـح كلابـه

وانا ليامن كشفت ان الخوي اصبـح لسانـه داب
نزعت السم من عرقه.. وكسرت بمخلبـي نابـه

ترى بدري على مثلك تعيـب وساسهـا معيـاب
ياليت اللـي يعيبنـي ؛؛ يحـاول يستـر اثيابـه

خلاص اليوم يافلانه ؛ كرهتك والقلوب اغـراب
وترى كل طير(ن) بكبد السماء يشبـع بمخلابـه

خساره !!! مثلك بقلبـي يتـوج سيـد الاحبـاب
وخساره غلطة العاشـق ؛ يحطـك اول احبابـه

بعد هذا تبين ارجع لاجل عينك نصير اصحـاب
خسيتي واقلبي وجهـك !! ولا كلمـه ؛ ولاجابـه


الشاعر :: ناصر الضويحي العتيبي...

ودمتم بود

[محب الهيلا]

صح لسان الساعر

مشكور وماقصرت

[عبدالرحمن الهيلوم]

مشكوووووووووووووور يالغالي

[الروسان فرسان]

العضوين اللي قبلي شكلهم جايين بس يكثرون المشاركات خخخخخخخخخ
ردو مثل الناس ولا لا تردون

مشكورين على المرور الحلو الجميل اللي ما فيه اجمل منه

[فيحان بن فياح]

الروسان فرسان

رائعه رائعه رائعه بكل ماتعنيه الكلمه

صح لسان قائلها وسلمت يدى ناقلها

أشكرك على إيراد هذه الرائعه

ولي ملاحظه بسيطه وهي : القصيدة

للشاعر محمد بن سعود العضياني

تقبل مروري .. ولك تحياتي ..

[سطام الرويس]

مشكور ياولد عمــــــــــــــــــي

الله لا يهينك على النقل الرائع

وبيض الله وجهك

وهذي المواضيــــــــــــــــــــــــــع ولا بلاش

لو تكتب حــــــــــــــــــــــــــــــرف كنك كاتب

مية كتاب


يــــــــــــــــــــــــــــاولد عمــــــــــــــــــــــــــي .................