كنز الكلام

[ناصر بن محمد العتيبي]

السلام عليكم ورحمة الله وبركاتة

عذراً من رواد وزوار منتديات الهيلا على الغياب

وشكراً للأدارة على هذه الجهود الرائعة التي جعلت من منتدى الهيلا

صرحاً يشاد به في كل مكان

وأليكم هذهـ المتواضعه

الشعر عند الناس غالي ومرغوب=كنز الكلام وكل جيل اعتنابه
يعمر مثل مايعمر البيت بالطوب=ولايستوي بني القصر والخرابه
حلفت بالله رب طه ويعقوب=اما سخرت القاف مادق بابه
لكب لاهل الشيل صخري ومسحوب=وخلي المجرور لأهل الربابه
ولاعن الماجوب والله ماتوب=اللين عمري ينتهي به حسابه
دام العمر مع جاري الوقت محسوب=ابغتنم قبل الفوايت شبابه
النوم عن فعل المواجيب عذروب=ومن يترك الماجوب وش ينبغابه
ولا الزمن في كل يومين ملعوب=وماطوعه غير النبي والصحابه
تجري بنا الايام غالب ومغلوب=وماقدر الله كل مؤمن رضابه
واللي جرا في ماضي الوقت مكتوب=محدن درابه لين صار ودرابه
طبع الدهر دوار دالوب دالوب=بين الحلا والمر دايم شرابه
ياعابد الدنيا كفى ظلم واذنوب=القيظ لاتضميك ضيحة سرابه
حتى ولو حقق لك الوقت مطلوب=لاتامنه لو زان عجل انقلابه
كم واحدٍ عقب الهنا صار منكوب=والمعتبر يعرف خطاه وصوابه
خلك مع اهل الطيب طيب ومحبوب=خل القشر ما فالمشاكل ذرابه
لاتحسب ان ماخلق في غيرك جنوب=ولافيه غيرك له عزاوي ولابه
الناس تجمعهم وتفرقهم ادروب=والطيب دربٍ رابحٍ من مشابه
كلٍ معه بالهرج تعبير واسلوب=مير البلا بعض النوايا تشابه
دار الزلل وحذر من الهرج مقلوب=ان لم تكن ذيبٍ كلتك الذيابه
هذا شروق الشمس والتالي اغروب=اليوم واللي عقب مامن غرابه
قل للذي قد صار له بطن وثروب=الوقت مثل الداب سمه بنابه
الاوله منا سلاطين وشعوب=والثانيه كلٍ يسلم كتابه

[عبدالرحمن الهيلوم]

صح السانك يالغالي ودام ابداعك

[مرزوق حمدان العتيبي]

..
.
تجري بنا الايام غالـب ومغلـوب
وماقدر الله كـل مؤمـن رضابـه
واللي جرا في ماضي الوقت مكتوب
محدن درابه ليـن صـار ودرابـه

الله عليك يابحر ... شاعر ومبدع يابو محمد ..
.. شامخه مثل شموخك .. فديتك ....
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

ابو محمد .. ابداع معهووود منك

صح لسانك مليون .. قصيده جزله ومعانٍ رائعه..

بيض الله وجهك ..


أخوك

التوقيع

.....

[عايض بن زوير]

حلفت بالله رب طه ويعقوب
ان ماصخرت القاف ما اطق بابه

,

,

ناصر بن محمد ..لله درك

.
صخرته ياناصر وقول وفعل

,,

صح لسانك مليون ولا يسدون

,,

تحياتي وفي انتظار مايلي,,

أخوك....

[أبو فيصل الدلبحي]

لكب لاهل الشيل صخري ومسحوب
وخلـي المجـرور لأهـل الربابـه




انا اشهد انك بحر وصح لسانك يابحر وننتظر منك المزيد

[محمد صالح العطاوي]

صح لسانك
يابو محمد لله درك مبدع

[محب الهيلا]

صح لسانك

مشكور وماقصرت

[فيصل المسعودي]

ناصر محمد العتيبي

شاعر مبدع

يملك قوة ورصانة اللفظ

وجزالة الشعر

لا هنت ياغالي

وصح الله لسانك

تحياتي

[فهيد مقعد الرويس]

كم واحدٍ عقب الهنا صار منكوب=والمعتبر يعرف خطاه وصوابه
خلك مع اهل الطيب طيب ومحبوب=خل القشر ما فالمشاكل ذرابه
لاتحسب ان ماخلق في غيرك جنوب=ولافيه غيرك له عزاوي ولابه
الناس تجمعهم وتفرقهم ادروب=والطيب دربٍ رابحٍ من مشابه
كلٍ معه بالهرج تعبير واسلوب=مير البلا بعض النوايا تشابه
دار الزلل وحذر من الهرج مقلوب=ان لم تكن ذيبٍ كلتك الذيابه
هذا شروق الشمس والتالي اغروب=اليوم واللي عقب مامن غرابه
قل للذي قد صار له بطن وثروب=الوقت مثل الداب سمه بنابه
الاوله منا سلاطين وشعوب=والثانيه كلٍ يسلم كتابه

لافوض فوك

على هالدرر يابومحمد

صح السانك

قصيدة تستحق التمجيد امتازة بالقوة والجزاله والعذوبه

تقبل اطيب تحيه