قصيدة.. الحمى .. للشاعر المبدع خالد العتيبي

[عبدالرحمن الهيلوم]

بسم الله الرحمن الرحيم
اللهم صل على محمد وعلى آله وصحبه أجمعين
وبعد:
اقدم لكم هذه الرائعه من روائع شاعرنا الكبير
خالد العتيبي:



الحـظ مفتـاح الـدروب المغاليـق

او قفـل بيبـان الليـال وخطـاهـا

من ليلـة الحمى..لقتـك المعاليـق

في ثلجها..في جمرها.. فـي لظاهـا

واسكرك ياهم ورى الحدب.. وتفيق

كـل الطعـون المرمسـات وعناهـا

ومن وين اببدى يا جداد الطواريـق

وانتي مواريث الجـروح.. وذراهـا

من ضيعة السجه..ومـر المذاويـق

والا مـن عيونـي سهرها..وماهـا

بعض العلوم يجف من دونها الريـق

وبعض العلوم يجف ريقـي وراهـا

كحلت عيني مـن وجيـه المخاليـق

للساعه اللي ينثنـي مـن عصاهـا

ويومي زبنت العين في موقف الضيق

لقيـت مـن كحـل طرفها..عماهـا

(بعض اللحى)عز بوجـه المطاليـق

(وبعض الوجيه) اكبر خزاها..لحاهـا

تغـرك ازوال الرجـال المطافـيـق

لو انهـا مـا تختلف..عـن نساهـا

(هزايلٍ) تلهث ورى الهرج وتضيـق

من قبـل تخلق..والزمـان يهجاهـا

اللـي ليـا حملتـهـا بالمواثـيـق

تضعضعت..يسبـق ميلهـا رغاهـا

يا ليل..وان مريت راعي العشاريـق

غـب الهموم..اللـي تزايـد بلاهـا

قل له طروش القلب جمع..وتفاريـق

ذودٍ وطى قفـر الضلوع..ورعاهـا

ومابين مزموم الورق..والشواهيـق

ضيـع دروب وان نزلها..رقـاهـا

[محمد البام]

(بعض اللحى)عز بوجـه المطاليـق

(وبعض الوجيه) اكبر خزاها..لحاهـا



الله الله إبدااااااااااااااااااااع


الله يوفقه وصح لسانه

ولاهنت على النقل

[أبو مرحبا]

قصيده جزله ماتجي الا من شاعر جزل


لاهنت على النقل الرائع

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابو ناصر المقاطي]

كحلت عيني مـن وجيـه المخاليـق

للساعه اللي ينثنـي مـن عصاهـا

ويومي زبنت العين في موقف الضيق

لقيـت مـن كحـل طرفها..عماهـا

(بعض اللحى)عز بوجـه المطاليـق

(وبعض الوجيه) اكبر خزاها..لحاهـا

تغـرك ازوال الرجـال المطافـيـق

لو انهـا مـا تختلف..عـن نساهـا



جزاله من جزل بيض الله وجهه

وبيض الله وجهك يا عبدالرحمن

[ابو كتيفه المحياني]

بيض الله وجهك ولا تنسئ الشحم

[أبوناصر]

بيض الله وجهك أخوي عبدالرحمن

[عبدالرحمن الهيلوم]

مشكوووووووووووورين علي المرور يالغالين

[رمح برقاا]

بيض الله وجهك يا خالد الدعجاني جزل في جيزل شعرك كله

[محب الهيلا]

مشكور وماقصرت

[صقر نايف العتيبي]

اللـــــــــــــــــــــــــــــــــــــه شاعر جزل متمكن يعجز لسان عن وصف جمال القصيده قسم انه يستحق البيررق لحاله تكفوووووون يعتاااابه صوتوله.....................بيرق الشعر الروقي العتيبي